2Jakamã na pre Jejus jarẽnh ma nẽ kãm omunh prãm nẽ. Hãmri nẽ hkwỳ pymaj kamàt kãm hwỳr tẽ nẽ omu nẽ kãm: —Pa mẽ ijahkre xwỳnh. E ot pa awỳr tẽ. Ra mẽ ixte apumunh mex. Tĩrtũm na pre ate mẽ ijahkre ho apa kaxyw mẽ ixwỳr amẽ ka mẽ ixwỳr wrỳ. Mẽhõ koja apyrà nẽ aa mẽ inhmã mẽ kot mẽmoj pumunh kêt kwỳ ho anhỹr o pa? Nà amrakati kumrẽx. Kop apu Tĩrtũm kot mẽ ixwỳr amẽnh kêt ronhỹx ka ã amnhĩ nhĩpêx anhỹr kêt nẽ. Anẽ.
3Hãmri nhũm kuma nẽ tanhmã kãm kapẽr to. No ãm amnhĩ tã kuxi nẽ kãm awjarẽ nẽ kãm: —Na htem piitã mẽ katorxà nhõxà hkre rũm hapôj. Tã Tĩrtũm kãm mẽ piitã axte mẽ hapôx prãm. Jakamã kot kaj mẽ akator o axkrut kêt nẽ hãmri nẽ nhỹrmã Tĩrtũm ri atĩr tũm nẽ apa ho apa hkêt nẽ. Ãm hkrajê pix na htem kuri htĩr tũm nẽ pa ho pa. Jakamã kwa jam ajamaxpẽr tỳx nẽ ri ho apa. Anẽ.
4Hãmri nhũm Nĩkotẽja kuma nẽ tee ri ã kot kãm kapẽr anhỹrja kukamã hamaxpẽr nẽ kãm: —Kwa ra ixàptàr kênã kot pa kêt tanhmã amnhĩ to nẽ akupỹm ixkatorxà nhõxà hkre hwỳr axà nẽ axte kurũm ixkato. Anẽ.
Juãw 3
Juãw 3:2-4