Josue 15:9-39

⁹Ne puun dutun midlaus heini ziyà te Serebseb te Neftoa, ne ebpuun dutun ebpehendiyà te menge inged he uvey te Buntud he Efron. Ne mibulegkù heini petupang diyà te Baala he iyan is Kiriat Jearim,

¹⁰ne mid-uman mebulegkù diyà dapit te edsenlepan te Baala pehendiyà te Buntud he Seir. Ne midlaus heini ziyà te egkezizayà he kelendiǥan te Buntud he Jearim he iyan is Kesalon, pehendiyà te Bet Shemesh wey midlaus diyà te Timnah.

¹¹Midlaus heini ziyà te egkezizaya he kelendiǥan te Ekron ne mibulegkù pehendiyà te Shikeron, he ebpekevayà te Buntud he Baala taman te Jabneel. Ne midsangkù heini ziyà te Zaǥat he Mediteraneo,

¹²he iyan daan dulunà kayi he zapit te edsenlepan. Iyan heini nekeliǥuy he zulunà te tanà he mibahin diyà te menge pemilya te tribu ni Juda.

¹³Midtuman ni Josue is insuǥù kandin te Nengazen, umbe imbeǥey zin is senge vahin duen te tanà te tribu ni Juda ziyà te ki Caleb he anak ni Jefune. Heini he tanà iyan is Kiriat Arba, he iyan is Hebron. (Su ngazan heini ni Arba te amey ni Anak.)

¹⁴Midsegseg ni Caleb puun dutun he tanà is tetelu he kevuwazan ni Anak he iyan is menge pemilya ni Sheshai, ki Ahinam, wey ki Talmai.

¹⁵Ne zutun midsurung dan is Debir (he migngezanan dengan te Kiriat Sefer).

¹⁶Migkaǥi si Caleb te, “Ibpeesawa ku is anak ku he si Acsa te etew he ebpekaaǥew te Kiriat Sefer.”

¹⁷Si Otniel he anak ni Kenaz te hazi ni Caleb iyan nekaaǥew zutun he inged. Umbe impeesawa ni Caleb kandin is anak din he si Acsa.

¹⁸Ne hein neked-esawe en haazà is dezuwa midhengyuan ni Acsa is esawa zin he mebuyù diyà te amey zin te tanà para meumani is tanà dan. Ne zutun midhendiyà si Acsa te ki Caleb, ne hein nekerenè en sikandin puun te asnu zin, mid-insaan sikandin ni Caleb ke hengkey is tuud din.

¹⁹Midtavak si Acsa te, “Umani a kenikew beǥayi te pebur, iyan pezem suat ku he ebeǥayan a kenikew te tanà he zuen duen serebseb su is tanà he imbeǥey nu kedì diyà te Negev wazà duen serebseb.” Umbe imbeǥey ni Caleb kandin is menge lugar he zuen duen menge serebseb diyà te vuvungan wey alug.

²⁰Iyan heini menge inged he nepengevilin te tribu ni Juda he mibahin diyà te kada pemilya zan:

²¹Is menge inged he kinepuruan he egkezivavà he ziyà te Negev he uvey te dulunà te Edom he iyan is: Kabzeel, Eder, Jagur,

²²Kina, Dimona, Adada,

²³Kedesh, Hazor, Itnan,

²⁴Zif, Telem, Bealot,

²⁵Hazor Hadata, Keriot Hezron (he iyan is Hazor),

²⁶Amam, Shema, Molada,

²⁷Hazar Gada, Heshmon, Bet Pelet,

²⁸Hazar Shual, Beersheba, Biziotia,

²⁹Baala, Iim, Ezem

³⁰Eltolad, Kesil, Horma,

³¹Ziklag, Madmana, Sansana,

³²Lebaot, Shilhim, Ain, wey Rimon: 29 langun he inged, ne ebpekeuman pa kayi is dezeisey he menge lugar ziyà te peliǥuy kayi he menge inged.

³³Is menge inged diyà te menge mibuntud-buntud diyà te edsenlepan iyan is: Eshtaol, Zora, Ashna,

³⁴Zanoa, En Ganim, Tapua, Enam,

³⁵Jarmut, Adulam, Soco, Azeka,

³⁶Shaaraim, Aditaim, wey Gedera (etawa Gederotaim): ne 14 langun he inged, ne ebpekeuman pa kayi is dezeisey he menge lugar ziyà te peliǥuy kayi he menge inged.

³⁷Ragkes daan is Zenan, Hadasha, Migdal Gad,

³⁸Dilean, Mizpa, Jokteel,

³⁹Lakish, Bozkat, Eglon,