Josua 15:7-48

⁷Ewe kiä a pwal feila seni lon ewe lemolun Akor tori Tepir. Iwe, a feila efeng o weneiti Kilkal mi sasape ngeni ewe chukuchukutän Atumim peliörün ewe lemol. A pwal pwerela tori ekewe kolukun En-semes o müchütiu me En-rokel.

⁸Mürin, ewe kiä a feitä ren ewe lemolun Hinnom tori peliörün me won ekewe chukun Jepus, ia ewe telinimw Jerusalem a nom ie. Iwe, a pwal feitä tori won ungen ewe chuk mi nom sasape ngeni ewe lemolun Hinnom me pelilotou pwal amüchülan ewe lemolun Refaim me peliefeng.

⁹Mürin, ewe kiä a feila seni ungen ewe chuk tori ekewe koluk mi puächetä me lon Neftoa. Nge seni ikenan a feila ngeni ewe telinimw mi arap ngeni ewe chuk Efron o pwelila tori Paala, iei Kiriat-jearim.

¹⁰Iwe, ewe kiä a pwal pwelila lotoun Paala tori ewe chukun Seir, a pwerela tori won ewe chuk Jearim me peliefeng, iei Chesalon, a pwal feitiu tori Pet-semes o pwerela Timna.

¹¹Mürin a pwerela tori won ewe chukutekison efengin Ekron o pwelila ngeni Sikkeron, a pwal pwerela tori ewe chuk Paala o pwerewu tori Japneel. Mürin, ewe kiä a müchütiu me ren ewe mataulap.

¹²Nge kiännin fanüer me pelilotou arosetin ewe mataulap. Iei kiännin pwelin fanüen aramasen Juta a aükük ngeni ükükün ar kewe famili.

¹³Iwe, Josua a ngeni Kalep nöün Jefune we mwän eu kinikinin fanü me lein fanüen ekewe aramasen Juta, usun ewe Samol mi Lapalap a allük ngeni. Iwe, a ngeni Kalep Hepron ewe telinimw än Arpa, nge Arpa semen Anak.

¹⁴Iwe, Kalep a asüela seni ewe telinimw mwirimwirin Anak kewe ülüman mwän iter Sesai, Ahiman me Talmei.

¹⁵Mürin, Kalep a feila seni ikenan o maun ngeni chon Tepir. Nge iten Tepir me lom Kiriat-sefer.

¹⁶Iwe, Kalep a apasa, “Iö a akufu o liapeni Kiriat-sefer, üpwe ngeni nei we föpwül Aksa pwe pwülüan.”

¹⁷Iwe, Otniel nöün Kenas we mwän, nge Kenas pwin Kalep, a liapeni ewe telinimw. Iwe, Kalep a ngeni nöün we föpwül Aksa pwe pwülüan.

¹⁸Nge lupwen neminewe a feito ren Otniel, ätewe a pesei ngeni pwe epwe tüngorei saman we eu tanipi. Iwe, neminewe a tötiu seni wan aas, nge Kalep a aisini, “Met ka mochen?”

¹⁹Nge neminewe a üreni, “Kopwe ngeniei eu feiöch. Pokiten ka ngeniei eu fanü mi pwasapwas lon Nekep, kopwe pwal ngeniei ekewe koluk mi puächetä.” Mürin Kalep a ngeni neminewe ekewe koluk mi puächetä ra nom asan, pwal ekewe ra nom fan.

²⁰Iwe, iei fanüen chon ewe ainangen Juta a aükük ngeni ükükün ar kewe famili.

²¹Iwe, än chon ewe ainangen Juta kewe telinimw kükü ngeni ör arap ngeni kiännin Etom iter: Kapseel, Eter me Jakur,

²²Kina, Timona me Atata,

²³Ketes, Hasor me Itnan,

²⁴Sif, Telem me Pealot,

²⁵Hasor-hatata me Keriot-hesron, iei Hasor,

²⁶Amam, Sema me Molota,

²⁷Hasar-kata, Hesmon me Pet-pelet,

²⁸Hasar-sual, Peer-sepa me Pisiotia,

²⁹Paala, Iim me Esem,

³⁰Eltolat, Chesil me Horma,

³¹Siklak, Matmana me Sansana,

³²Lepaot, Silim, Ain me Rimon, ükükür meinisin rüe me tiu telinimw fiti wisoposopur.

³³Nge iten ekewe telinimw lon ewe fanü tekison: Estaol, Sora me Asna,

³⁴Sanoa, En-kanim, Tapua me Enam,

³⁵Jarmut, Atullam, Soko me Aseka,

³⁶Sa-araim, Atitaim, Ketera me Keterotaim, ükükür meinisin engol me rüanü telinimw fiti wisoposopur.

³⁷Iwe, pwal Senan, Hatasa me Miktalkat,

³⁸Tilean, Mispa me Jokteel,

³⁹Lakis, Poskat me Eklon,

⁴⁰Kapon, Lamam me Chitlis,

⁴¹Keterot, Pet-takon, Naama me Maketa, ükükür meinisin engol me wonu telinimw fiti wisoposopur.

⁴²Iwe, pwal Lipna, Eter me Asan,

⁴³Ifta, Asna me Nesip,

⁴⁴Keila, Aksip me Maresa, ükükür meinisin tiu telinimw fiti wisoposopur.

⁴⁵Iwe, pwal Ekron me telinimwan me wisoposopun,

⁴⁶pwal ekewe telinimw meinisin ünükün Astot fiti wisoposopur seni Ekron tori ewe mataulap.

⁴⁷Iwe, pwal Astot me Kasa fiti telinimwer me wisoposopur tori ewe öüwö mi nom won ewe kiän Isip me arosetin ewe mataulap.

⁴⁸Iwe, ikkei iten ekewe telinimw lon ewe fanü mi chukuchukutä: Samir, Jatir me Soko,