Josua 14:5-9

⁵Te Israel dabe augwaligo te tǫ tama dobayali, te Genuai Bidigo Mosesbolo wali gilama tama tiali.

⁶Te tǫ dobayabo sogode, te Juda bidi dabe meba te Josua bidibo digi te Gilgalba sabolali. Tama Kalep te Jefunego ogwa, te Kenas bidi, te e tiwai po Josuabolo wali, “Nago koneani, te polobadu Genuai Bidigo te Godigo sę bidi Mosesbolo te po wali, te da sibolo te Kades Barneade wai dao.

⁷Te sogo eno kibu be te bidi sese si, te 40 yia elalubadi, tama Genuai Bidigo sę bidi Mosesgo ena te tǫ Kades Barnea te ena geme sa pabo bidi tagala palali. Tama eno tede suali nai po mu te po eno te Mosesba wagasali.

⁸Tiali goli, te ena dali pali bidi dabe augwaligo te we bidi wi ebo sę ilali. Tiali goli, eno te dago Genuai Bidi Godigo po bugagia dolo wali pali.

⁹Tama tibaso, Mosesgo te tiwai po me deli ena dali te sogo dąų wali. Agai te po wai, ‘Nago te God wali bugagia pali, te dago Genuai Bidi da, tama tibaso, nage me, nago ogomani dali, te nage bilali tǫ pedai badu siyu, tama augwaligo te tǫ sesemane sogo elalua pidu, mu elalua paibao,’ te po wai.”