Josua 11:4-10

⁴Augwaligo te po odama, tama augwali te augwa ami bidi dabe tigidali augwali dali asai. Tama augwali te bidi hauwa umabo mu elaluali, augwaligo ami bidi dabe te nabis masigi sane usu tiwai. Tama augwaligo hwįbo nai hos me karis hauwa mu elaluai.

⁵Te tuni bidi dabego te augwa ami bidi dabe hauwa sisinama, tama augwali bidabo pesage te sigi ąį Meromde nigilama, te Israel dabe augwali dali hwįainogo yali.

⁶Tialima, Genuai Bidigo Josuabolo te po wai, “Nage augwalide wi munu me elamuo. Do te tobage sogo ebode da, teda eno digi te Israel dabe augwali tau selama, tama augwaligo te boi bidi dabe tigidali ela muaibao. Tama dagego te hos dabe sągą genuai kigibili togolama, tama augwa te karis dabe dali siaba ulao,” wali.

⁷Tama te boi bidi dabego hwįabo sisi isąbadi, tialima polo mu tama Josua dali, aga ami bidi dali, tigidaligo augwali dali te wę Meromde te hwįani.

⁸Tama Genuai Bidigo te Israel dabe augwali tau selama, tama augwaligo te boi bidi dabe aiyaba elaluai. Te Israel dabe augwaligo hwįyu, tama te boi bidi dabe pobeasa peyu, te tǫ bogo badu te genuai bulu Saidon teba usu nama, te Misrefot Maim dąį igi pelama, tama te giliga pedalubo badu, te odogo bulu Mispa, te badu saboligi pali. Augwaligo hwį hwį pali, te boi bidi dabe tigidali siliboba usu nai dao.

⁹Tama Josuago augwaligo hwįbo nai hos sągą genuai kigibili togobadi, te augwaligo karis dabe me siaba ulubadi yali, te Genuai Bidigo agabolo wali gilama tama tiai.

¹⁰Te silama, nosali Josua ma begasa asiyu, tama te hanu Hasor selama, tama te hanude bidali tuni bidi ela muai. Te sogo te Hasor hanu te tigidali tǫde elaluali hanu dabego te polaluali hanu elaluai.