Josué 15:4-57

⁴Carcapitana päsaraycaran Asmonman. Chaypita chayaraycaran Egiptucho pampa caycaj yacu aywajman. Chaypitana tincuraycaran lamar Mediterraneoman. Chaynömi lindan caycaran sur caj-läpaga.

⁵Inti yagamunan caj-läpana lindan caran Cachi Lamar cuchullanpa Jordán mayuman chayashancama. Chaypitaga norte caj-lä lindanna gallaycuran.

⁶Norte caj lindan chayaraycaran Bet-hoglapa. Chaypa päsar chayararan Bet-arabäpa norte caj lädunman. Wichanpa chayararan Bohán Ben-Rubén gagaman.

⁷Acor pampapita päsaraycaran wichanpa Debirman chayananyaj. Chaypa päsar chayaraycaran Gilgalman. Gilgalga caycaran Aduminpa chimpan ragra yacu aywaj sur caj lädunchömi. Chaypita linda aywaraycaran En-semescho yacu pashtaj caycajpa. Nircorga päsaraycaran En-rogelyaj.

⁸Chaypitami Jebús runacuna tiyashan sur caj-läpa päsar Ben-hinom ragrapa päsararan. Chaychöga Jerusalennami caycan. Ben-hinom ragrapa lindan wichaypana aywar chayaran jirca puntacama. Chayga Jerusalenpita inti yaganan caj-läpami caycan. Chaypitanami lindan chayaran Refaim Pampa norte caj cuchuncama.

⁹Chaypa päsar puntapitaga lindan uraraycaran Neftoacho yacu pashtaj caycajman. Chaypita päsar chayararan Efrón jircacho caycaj siudäcunaman. Chaypa päsar tumaran Baalaman. Chay siudäpa jucaj jutenga caran Quiriat-jearim.

¹⁰Baalapita päsashpan inti yaganan caj-läpa tumaraycaran Seir puntaman. Chaypita Quesalonpa päsararan Jearim puntapa norte caj-läninpa. Chaypitaga uraypana aywararan Bet-semesman chayananyaj. Nircur Timnapa päsaraycaran

¹¹Chaypitami Ecrón siudäpa wajtancho caycaj puntaman chayararan. Chaypitana puntanpa tumaraycaran Sicronman. Baala puntapa päsaraycaran Jabneelman chayananyaj. Chaypa päsar lamar Mediterraneoman tincuycaran.

¹²Chaypitaga lindan gallarejwan tincunanpaj aywararan Mediterráneo lamar cantullanpa. Chaynömi Judá trïbupa lindan caran. Chaytanami quiquin-pura raquipänacuran ayca castapis cashanpita.

¹³Jefonepa wamran Calebta Josuëga chacracunata goycuran Judá trïbupa chacrancho. Chay partichömi Tayta Dios nishanno Hebronta goycuran. Chayga caran Anac castacuna tiyashan siudämi.

¹⁴Anac runacunaga Sesai famillya, Ahimán famillya, Talmai famillyami caran. Chay quimsa famillya Anac runacunatami Caleb garguran.

¹⁵Chay famillyacunata garguycur Calebga Debir siudächo tiyajcunamanna aywaran. Chay siudäpa unayga jutin caran Quiriat-sefer.

¹⁶Chay siudäman aywar Caleb niran: «Pipis cay siudäman yaycur binsej cajtami wamrä Acsawan majachashaj» nir.

¹⁷Chay siudäman yaycuycorga chariran wauguin Cenazpa wamran Otonielmi. Chaura Calebga wamran Acsata goycuran Otonieltana warminpaj.

¹⁸Otonielga warmin Acsata wasinpa pushacuycashanchöna niran: «Papäniquita ruway muruna chacratapis raquipäshunayquipaj» nir. Chaura bürrunpita Acsaga yarpuran. Chaymi papänin Calebga tapuran: «Ïja, ¿imatataj munaycanqui?» nir.

¹⁹Chaura wamran Acsa niran: «Ruwacushayqui ari papä. Neguevcho caycaj chunyaj chacrata raquipämasha caycashpayquega yacuyoj chacratapis raquipämay.» Niptin papänenga chacrata goycuran puntacunacho yacu pashtajtawan pampacho yacu pashtaj chacrata.

²⁰Ayca castapis cashanpitami Judá trïbu runacunaga siudäcunata chasquiran.

²¹Paycunapaj siudäcuna sur caj-lä parti Edomman tincojchöga caran: Cabseel, Edar, Jagur,

²²Cina, Dimona, Adada,

²³Cedes, Hazor, Itnán,

²⁴Zif, Telem, Bealot,

²⁵Hazor-hadata, Queriot, Hezrón, (Hezronpa jucaj jutin caran Hazor.)

²⁶Amam, Sema, Molada,

²⁷Hazar-gada, Hesmón, Bet-pelet,

²⁸Hazar-sual, Beerseba, Bizotia,

²⁹Baala, Iim, Esem,

³⁰Eltolad, Quesil, Horma,

³¹Siclag, Madmana, Sansana,

³²Lebaot, Silhim, Silhim, En-rimón. Chay ishcay chunca isgun (29) siudäcuna caran marcancunawan-camami.

³³Inti yaganan caj-lä lömacunachömi Judá trïbu runacunapa siudänincuna caran: Estaol, Zora, Asena,

³⁴Zanoa, En-ganim, Tapúa, Enam,

³⁵Jarmut, Adulam, Soco, Azeca,

³⁶Saaraim, Aditaim, Gedera, Gederotaim. Chay chunca chuscu (14) siudäcuna caran marcancunawan-camami.

³⁷Chay particho waquin caj siudäcunapis caran Zenán, Hadasa, Migdal-gad,

³⁸Dileán, Mizpa, Jocteel,

³⁹Laquis, Boscat, Eglón,

⁴⁰Cabón, Lahmam, Quitlis,

⁴¹Gederot, Bet-dagón, Naama, Maceda. Chay chunca sojta (16) siudäcuna caran marcancunawan-camami.

⁴²Waquin siudäcuna caran Libna, Eter, Asán,

⁴³Jifta, Asena, Nezib,

⁴⁴Keila, Aczib, Maresa. Chay isgun siudäcuna caran marcancunawan-camami.

⁴⁵Ecronpis, llapan marcancunapis,

⁴⁶Ecronpita Mediterráneo lamarcama aywar Asdodpa ñaupancho caycaj marcacunapis Judá trïbupami caran.

⁴⁷Asdod siudäpis Judá trïbucunallapami caran llapan marcancunawan jircancunawan-cama, Gaza siudäpis llapan marcancunawan jircancunawan-cama. Mediterráneo lamar cuchunpa aywashpan Egipto ragracama chayaraycaran.

⁴⁸Judá trïbucunapäga jircacuna cashan caj particho siudäcuna caran: Samir, Jatir, Soco,

⁴⁹Dana, Quiriat-sana, (Chaypaga jucaj jutin caran Debir.)

⁵⁰Anab, Estemoa, Anim,

⁵¹Gosén, Holón, Gilo. Chay chunca juc (11) siudäcuna caran marcancunawan-camami.

⁵²Paycunapämi caran Arab, Duma, Esán,

⁵³Janum, Bet-tapúa, Afeca,

⁵⁴Humta, Quiriat-arba, (Quiriat-arbapaga jucaj jutin caran Hebrón.), Sior siudäcuna. Chay isgun siudäcuna caran marcancunawan-camami.

⁵⁵Chaynöpis paycunapämi caran Maón, Carmel, Zif, Juta,

⁵⁶Jezreel, Jocdeam, Zanoa,

⁵⁷Caín, Gabaa, Timna siudäcuna. Chay chunca siudäcuna caran marcancunawan-camami.