Joshuwa 15:9-61

⁹en brom deya imbin go langa det pleis gulum Neftowa Spring raidap langa detlot taun gulijap langa det hil gulum Ifran, en brom deya imbin go langa det hil gulum Beila o Kiriyajerim,

¹⁰en imbin goran sangodansaid brom det hil raidap langa det hil kantri gulum Siyiya, en brom deya imbin go nowathsaid langa det hil gulum Jerim o Kesalan, en brom deya imbin godan langa det taun gulum Bethshemesh raidap langa det taun gulum Timna,

¹¹en brom deya imbin go raidap langa det hil nowathsaid brom det taun gulum Ekran, en brom deya imbin go sangodanwei langa det taun gulum Shikaran raidap langa det hil gulum Beila, en brom deya imbin go langa det taun gulum Jeimniya raidap langa det solwoda gulum Medatareiniyan. Lagijat na det boda blanga det Juda klen bin ran nowathsaid langa olabat kantri.

¹²Det boda sangodansaid langa olabat kantri bin bulurrum det solwoda gulum Medatareiniyan. Lagijat na det boda bin ran raidaran langa det kantri blanga det Juda klen.

¹³Wal Joshuwa bin gibit sambala kantri langa Keilab jis laik YAWEI det trubala God bin dalim im blanga dum. Keilab bin brom det Juda klen, en im dedi bin neim Jefana, en Joshuwa bin gibit im det taun gulum Hebran. Wal longtaim wanbala men neim Aba bin bildimap det taun. Aba bin dedi blanga det men neim Einak en ol detlot pipul gulum Einakait,

¹⁴en det thribala femili gulum Sheshai, Ahiman en Telmai bin stil jidan deya langa det taun. Wal Keilab bin lafta andimwei detlot Einakait femili brom det taun,

¹⁵en afta imbin wandi andimwei ol detlot pipul hubin jidan langa det najawan taun gulum Debiya. Bifo deibin oldei gulum det taun Kiriyasefa.

¹⁶Wal Keilab bin tok, “If enibodi andimwei detlot pipul brom det taun gulum Kiriyasefa, wal ai garra gibit main doda Eksa langa im blanga merrit.”

¹⁷Wal wanbala men neim Othniyel bin andimwei detlot pipul brom det taun. Det men bin san blanga det braja blanga Keilab neim Kenas. Wal Keilab bin gibit im doda Eksa blanga merrit langa Othniyel,

¹⁸en langa det seimwan dei wen det gel bin kaman langa im, Othniyel bin dalim det gel blanga go en askim im dedi blanga gibit im fam, en det gel bin go langa im dedi, en wen imbin godan brom im dongki, im dedi bin askim im, “Wanim yu wandim?”

¹⁹En det gel bin tok, “Ai wandim yu garra gibit mi sambala kantri garram woda, dumaji det kantri weya yubin gibit langa mi, im draiwan kantri.” En im dedi bin gibit langa im doda sambala kantri garram springwoda ontopwei en lodanwei.

²⁰Wal ola femili brom Juda klen bin gedim loda taun wen deibin gedim olabat kantri.

²¹Deibin gedim ol detlot taun sauthwei gulijap langa det boda blanga det kantri gulum Idam. Detlot taun bin neim Kebsil, Ida, Jagu,

²²Kina, Dimana, Edada,

²³Keidish, Heisowa, Ithanan,

²⁴Sif, Telam, Biyaloth,

²⁵Heisowadata, Keriyothesran o Heisowa,

²⁶Amam, Shema, Molada,

²⁷Heisagada, Heshman, Bethpelet,

²⁸Heisashuwal, Biyashiba, Bisiyothiya,

²⁹Beila, Aiyim, Isim,

³⁰Eltolad, Kesil, Homa,

³¹Siklag, Medmana, Sensana,

³²Leibeiyoth, Shilim, Eiyin en Riman. Deibin gedim ol detlot 29 taun garram ola lilwan taun du weya jidan raidaran langa detlot taun.

³³En deibin gedim ol detlot taun langa det hil kantri du. Detlot taun bin neim Eshtayol, Sora, Eshna,

³⁴Seinowa, Enganim, Tapuwa, Einam,

³⁵Jamath, Edulam, Sako, Esaka,

³⁶Sharaiyim, Edathaiyim, Gedara en Gedarothaiyim. Deibin gedim ol detlot 14 taun garram ola lilwan taun du weya jidan raidaran langa detlot taun.

³⁷En deibin gedim ol detlot taun neim Senan, Heidasha, Migdalged,

³⁸Diliyan, Mispa, Jokthiyel,

³⁹Leikish, Boskath, Iglan,

⁴⁰Kabon, Leimam, Kitlish,

⁴¹Gedaroth, Bethdeigan, Neima en Mekada. Deibin gedim ol detlot 16 taun garram ola lilwan taun du weya jidan raidaran langa detlot taun.

⁴²En deibin gedim ol detlot taun neim Libna, Itha, Eshan,

⁴³Ifta, Eshna, Nesib,

⁴⁴Keila, Eksib en Maresha. Deibin gedim ol detlot 9 taun garram ola lilwan taun du weya jidan raidaran langa detlot taun.

⁴⁵En deibin gedim det taun neim Ekran garram ola lilwan taun weya jidan raidaran langa det taun,

⁴⁶en deibin gedim ola taun gulijap langa det taun gulum Eshdad brom det taun gulum Ekran raidap langa det solwoda gulum Medatareiniyan.

⁴⁷En deibin gedim det dubala taun gulum Eshdad en Gasa garram ola lilwan taun weya jidan raidaran langa det dubala taun raidap langa det riba deya langa det boda blanga det kantri gulum Ijip olawei raidap langa det solwoda gulum Medatareiniyan.

⁴⁸En deibin gedim ol detlot taun langa det hil kantri du. Detlot taun bin neim Shamiya, Jeitiya, Sako,

⁴⁹Dena, Kiriyasefa o Debiya,

⁵⁰Einab, Eshtamowa, Einim,

⁵¹Goshin, Holan en Gilo. Deibin gedim ol detlot 11 taun na garram ola lilwan taun du weya jidan raidaran langa detlot taun.

⁵²En deibin gedim ol detlot taun neim Erab, Duma, Eshan,

⁵³Jeinim, Betapuwa, Afeka,

⁵⁴Hamta, Hebran en Saiyowa. Deibin gedim ol detlot 9 taun na garram ola lilwan taun du weya jidan raidaran langa detlot taun.

⁵⁵En deibin gedim ol detlot taun neim Mayan, Kamul, Sif, Jata,

⁵⁶Jesriyel, Jokdiyam, Seinowa,

⁵⁷Kein, Gibiya en Timna. Deibin gedim ol detlot 10 taun na garram ola lilwan taun du weya jidan raidaran langa detlot taun.

⁵⁸En deibin gedim ol detlot taun neim Heilal, Bethsuwa, Gedowa,

⁵⁹Meiyarath, Bethanoth en Eltekan. Deibin gedim ol detlot 6 taun na garram ola lilwan taun du weya jidan raidaran langa detlot taun.

⁶⁰En deibin gedim det dubala taun gulum Kiriyabeil o Kiriyajerim en Reiba garram ola lilwan taun du weya jidan raidaran langa det dubala taun.

⁶¹En deibin gedim ol detlot taun langa det deset kantri du. Detlot taun bin neim Betheraba, Midin, Sakaka,