Text copied!
CopyCompare
Holi Baibul - Joshuwa - Joshuwa 15

Joshuwa 15:4-57

Help us?
Click on verse(s) to share them!
4en brom deya imbin bulurrum det riba wansaid langa det boda blanga det kantri gulum Ijip raidap langa det solwoda gulum Medatareiniyan. Lagijat na det boda blanga det Juda klen bin ran sauthsaid langa olabat kantri.
5Det boda sanraisaid langa olabat kantri bin bulurrum det solwoda gulum Dedsi raidap langa det mawus blanga det Jodan Riba. Det boda nowathsaid langa olabat kantri bin stat deya langa det mawus blanga det Jodan Riba,
6en imbin go sangodanwei langa det taun gulum Bethogla, en imbin nowathsaid langa det hil gulum Bethaba, en brom deya imbin go raidap langa det pleis gulum Bowan Ston. Wan san blanga det olmen neim Rubin bin neim Bowan, en deibin gibit det neim langa det ston na.
7En brom deya na det boda bin go langa det pleis gulum Trabul Beli raidap langa det taun gulum Debiya, en brom deya imbin go nowathwei langa det pleis gulum Gelaloth deya sauthsaid langa det jampap langa det hil gulum Edumim, en brom deya imbin go langa det pleis gulum Enshemesh Spring raidap langa det najawan spring gulum Enrogel,
8en brom deya imbin go thru langa det pleis gulum Hinam Beli deya sauthsaid langa det hil weya det taun gulum Jerusalem bin jidan. Detlot pipul gulum Jebusait bin oldei jidan langa det taun. En brom deya det boda bin go ontop langa det hil sangodansaid brom det Hinam Beli raidap nowathsaid langa det pleis gulum Refait Beli,
9en brom deya imbin go langa det pleis gulum Neftowa Spring raidap langa detlot taun gulijap langa det hil gulum Ifran, en brom deya imbin go langa det hil gulum Beila o Kiriyajerim,
10en imbin goran sangodansaid brom det hil raidap langa det hil kantri gulum Siyiya, en brom deya imbin go nowathsaid langa det hil gulum Jerim o Kesalan, en brom deya imbin godan langa det taun gulum Bethshemesh raidap langa det taun gulum Timna,
11en brom deya imbin go raidap langa det hil nowathsaid brom det taun gulum Ekran, en brom deya imbin go sangodanwei langa det taun gulum Shikaran raidap langa det hil gulum Beila, en brom deya imbin go langa det taun gulum Jeimniya raidap langa det solwoda gulum Medatareiniyan. Lagijat na det boda blanga det Juda klen bin ran nowathsaid langa olabat kantri.
12Det boda sangodansaid langa olabat kantri bin bulurrum det solwoda gulum Medatareiniyan. Lagijat na det boda bin ran raidaran langa det kantri blanga det Juda klen.
13Wal Joshuwa bin gibit sambala kantri langa Keilab jis laik YAWEI det trubala God bin dalim im blanga dum. Keilab bin brom det Juda klen, en im dedi bin neim Jefana, en Joshuwa bin gibit im det taun gulum Hebran. Wal longtaim wanbala men neim Aba bin bildimap det taun. Aba bin dedi blanga det men neim Einak en ol detlot pipul gulum Einakait,
14en det thribala femili gulum Sheshai, Ahiman en Telmai bin stil jidan deya langa det taun. Wal Keilab bin lafta andimwei detlot Einakait femili brom det taun,
15en afta imbin wandi andimwei ol detlot pipul hubin jidan langa det najawan taun gulum Debiya. Bifo deibin oldei gulum det taun Kiriyasefa.
16Wal Keilab bin tok, “If enibodi andimwei detlot pipul brom det taun gulum Kiriyasefa, wal ai garra gibit main doda Eksa langa im blanga merrit.”
17Wal wanbala men neim Othniyel bin andimwei detlot pipul brom det taun. Det men bin san blanga det braja blanga Keilab neim Kenas. Wal Keilab bin gibit im doda Eksa blanga merrit langa Othniyel,
18en langa det seimwan dei wen det gel bin kaman langa im, Othniyel bin dalim det gel blanga go en askim im dedi blanga gibit im fam, en det gel bin go langa im dedi, en wen imbin godan brom im dongki, im dedi bin askim im, “Wanim yu wandim?”
19En det gel bin tok, “Ai wandim yu garra gibit mi sambala kantri garram woda, dumaji det kantri weya yubin gibit langa mi, im draiwan kantri.” En im dedi bin gibit langa im doda sambala kantri garram springwoda ontopwei en lodanwei.
20Wal ola femili brom Juda klen bin gedim loda taun wen deibin gedim olabat kantri.
21Deibin gedim ol detlot taun sauthwei gulijap langa det boda blanga det kantri gulum Idam. Detlot taun bin neim Kebsil, Ida, Jagu,
22Kina, Dimana, Edada,
23Keidish, Heisowa, Ithanan,
24Sif, Telam, Biyaloth,
25Heisowadata, Keriyothesran o Heisowa,
26Amam, Shema, Molada,
27Heisagada, Heshman, Bethpelet,
28Heisashuwal, Biyashiba, Bisiyothiya,
29Beila, Aiyim, Isim,
30Eltolad, Kesil, Homa,
31Siklag, Medmana, Sensana,
32Leibeiyoth, Shilim, Eiyin en Riman. Deibin gedim ol detlot 29 taun garram ola lilwan taun du weya jidan raidaran langa detlot taun.
33En deibin gedim ol detlot taun langa det hil kantri du. Detlot taun bin neim Eshtayol, Sora, Eshna,
34Seinowa, Enganim, Tapuwa, Einam,
35Jamath, Edulam, Sako, Esaka,
36Sharaiyim, Edathaiyim, Gedara en Gedarothaiyim. Deibin gedim ol detlot 14 taun garram ola lilwan taun du weya jidan raidaran langa detlot taun.
37En deibin gedim ol detlot taun neim Senan, Heidasha, Migdalged,
38Diliyan, Mispa, Jokthiyel,
39Leikish, Boskath, Iglan,
40Kabon, Leimam, Kitlish,
41Gedaroth, Bethdeigan, Neima en Mekada. Deibin gedim ol detlot 16 taun garram ola lilwan taun du weya jidan raidaran langa detlot taun.
42En deibin gedim ol detlot taun neim Libna, Itha, Eshan,
43Ifta, Eshna, Nesib,
44Keila, Eksib en Maresha. Deibin gedim ol detlot 9 taun garram ola lilwan taun du weya jidan raidaran langa detlot taun.
45En deibin gedim det taun neim Ekran garram ola lilwan taun weya jidan raidaran langa det taun,
46en deibin gedim ola taun gulijap langa det taun gulum Eshdad brom det taun gulum Ekran raidap langa det solwoda gulum Medatareiniyan.
47En deibin gedim det dubala taun gulum Eshdad en Gasa garram ola lilwan taun weya jidan raidaran langa det dubala taun raidap langa det riba deya langa det boda blanga det kantri gulum Ijip olawei raidap langa det solwoda gulum Medatareiniyan.
48En deibin gedim ol detlot taun langa det hil kantri du. Detlot taun bin neim Shamiya, Jeitiya, Sako,
49Dena, Kiriyasefa o Debiya,
50Einab, Eshtamowa, Einim,
51Goshin, Holan en Gilo. Deibin gedim ol detlot 11 taun na garram ola lilwan taun du weya jidan raidaran langa detlot taun.
52En deibin gedim ol detlot taun neim Erab, Duma, Eshan,
53Jeinim, Betapuwa, Afeka,
54Hamta, Hebran en Saiyowa. Deibin gedim ol detlot 9 taun na garram ola lilwan taun du weya jidan raidaran langa detlot taun.
55En deibin gedim ol detlot taun neim Mayan, Kamul, Sif, Jata,
56Jesriyel, Jokdiyam, Seinowa,
57Kein, Gibiya en Timna. Deibin gedim ol detlot 10 taun na garram ola lilwan taun du weya jidan raidaran langa detlot taun.

Read Joshuwa 15Joshuwa 15
Compare Joshuwa 15:4-57Joshuwa 15:4-57