Joshua 15:7-42

⁷me yan u rom ko Loway ni wagagey fithingan nga talang u Debir, ma aram me chiygog ko lel’och nge yan nga Gilgal, ni bay u puluwon fare Kanawo nu Adummim u ba’ ni yimuch ko fare loway. Meyib u rom ko fapi alublub nu Enshemesh me yan nga Enrogel,

⁸me sor nga talang nge yan u lan fare Loway ni Hinnom ni bay u ba’ ni yimuch ko fachi burey, ni aram e gin’en u Jerusalem ni immoy fare binaw rok piyu Jebus riy. Miki forthog fare mathil u rom ngalang nga p’ebgul fachi burey u ba’ ni ngal ko fare Loway ni Hinnom, ni bay u ley ni lel’och ko fare Loway ni Refaim.

⁹Me yan u rom ko fapi Alublub nu Neftoah me yan i og nga langgin fapi binaw ni bay u to’oben e Burey ni Efron. Me cheal u rom nge yan nga Baalah (ara Kiriath Jearim),

¹⁰me chiygog ko ngal u Baalah nge sor i yan ko binaw nu Edom ni go’ burey, me yan u rom nga ba’ ni lel’och ko fare Burey ni Jearim (ara Kesalon), me log nga Beth Shemesh, me yan nge pag yu Timnah.

¹¹Me yan fare mathil u rom nga daken bochi burey ni bay ko lel’och u Ekron, me cheal nge sor i yan nga Shikkeron, nge pag e Burey ni Baalah, me yan u rom nga Jamnia. Me yan i mus fare mathil ko fare gi Day ni Mediterranean,

¹²ni aram e gin ni sum e mathil ko ngal riy. U lan e pi mathil ney e i par e girdi’ ko pi tabnaw rok Judah riy.

¹³Bang ko fare gi binaw rok Judah e ni pi’ ngak Kaleb nib mo’on ni fak Jefunneh, ni be’ ko fare ganong rok Judah, ya aray rogon ni yog SOMOL ngak Joshua ni nge rin’. I yag yu Hebron ngak, ni fare binaw nib milfan ngak Arba, ni chitamngin Anak.

¹⁴Me tuluf Kaleb e pi’in owchen Anak ngar chuwgad u lan fare binaw — ni aram fa yuke girdi’ rok Sheshai, nge Ahiman, nge Talmai.

¹⁵Me yan u rom ni nge cham ngak fapi girdi’ ni be par u Debir. (Re binaw ney e unog fithingan ni Kiriath Sefer.)

¹⁶Me ga’ar Kaleb, “Gu ra pi’ Aksah ni be’ ni bpin ni fakag nge le’engiy e re mo’on nrayag rok ni nge kol yu Kiriath Sefer.”

¹⁷Me Othniel ni be’ ni pumo’on ni fak Kenaz ni walagen Kaleb e kol fare binaw, ma aram me pi’ Kaleb i Aksah ni fare pin ni fak ni nge le’engiy Othniel.

¹⁸Ma rofen nm’agpa’row me towaser Othniel ngak le’engin ni nge ning bang e flang ngak Kaleb ni chitamngin. Me og Aksah nga but’ u daken e dongki rok, me fith Kaleb ngak ko mang e ba’adag.

¹⁹Me fulweg ni ga’ar, “Ba t’uf boch e alublub rog. Ya fare gi binaw ni kam pi’ ngog e bangi daken e ted nib mlik’ e but’ riy.” Ma aram me pi’ Kaleb fapi alublub u talang nge tin bay u pe’ning ngak.

²⁰Irera’ e re gi binaw nni pi’ ngak fapi tabnaw nu lan e ganong rok Judah ni ngar tafned.

²¹Pi binaw nib palog ko yimuch nib bmilfan ngorad, tin nib chugur ko mathil nu Edom, ni aram yu Kabzeel, ngu Eder, ngu Jagur,

²²ngu Kinah, ngu Dimonah, ngu Adadah,

²³ngu Kedesh, ngu Hazor, ngu Ithnan,

²⁴ngu Zif, ngu Telem, ngu Bealoth,

²⁵ngu Hazor Hadattah, ngu Kerioth Hezron (ara Hazor),

²⁶ngu Amam, ngu Shema, ngu Moladah,

²⁷ngu Hazar Gaddah, ngu Heshmon, ngu Bethpelet,

²⁸ngu Hazar Shual, ngu Beersheba, ngu Biziothiah,

²⁹ngu Baalah, ngu Iim, ngu Ezem,

³⁰ngu Eltolad, ngu Chesil, ngu Hormah,

³¹ngu Ziklag, ngu Madmannah, ngu Sansannah,

³²ngu Lebaoth, ngu Shilhim, ngu Ain, ngu Rimmon: rliw’ nge mereb e binaw u gubin, nib mu’un e yochi binaw nib liyeg e pi binaw nem ngay.

³³Pi binaw u enggin e burey e yu Eshtaol, Zorah, Ashnah,

³⁴Zanoah, Engannim, Tappuah, Enam,

³⁵Jarmuth, Adullam, Soko, Azeka,

³⁶Shaaraim, Adithaim, Gederah, nge Gederothaim: ragag nge aningeg e binaw u gubin, nib mu’un e yochi binaw nib liyeg e pi binaw nem ngay.

³⁷Ma ku errogon yu Zenan, ngu Hadashah, ngu Migdalgad,

³⁸ngu Dilean, ngu Mizpah, ngu Joktheel,

³⁹ngu Lakish, ngu Bozkath, ngu Eglon,

⁴⁰ngu Kabbon, ngu Lahmam, ngu Chitlish,

⁴¹ngu Gederoth, ngu Bethdagon, ngu Naamah, ngu Makkedah: ragag nge nel’ e binaw u gubin, nib mu’un e yuchi binaw nib liyeg e pi binaw nem ngay.

⁴²Ma ku errogon yu Libnah, ngu Ether, ngu Ashan,