Joshua 15:2-63

²Te dongah lungkaeh li hmoi lamloh tuithim la aka hooi uh longken khaw, amih kah tuithim la om.

³Akrabbim kham tuithim ah a khuen tih Zin la kat. Te phoeiah Kadeshbarnea tuithim la cet tih Khetsron la a kat sak. Te lamkah loh Addar te a paan tih Karka la mael.

⁴Te phoeiah Azmon la kat phai tih Egypt soklong te a doo. Te lamkah te tuili rhi kah longrhael ah aka om aka om tah nangmih ham tuithim khorhi la om.

⁵Lungkaeh li lamkah loh Jordan tuikung due khothoeng khorhi la om tih tuili longken lamloh Jordan tuikung ah tlangpuei ben kah khorhi la om.

⁶Te phoeiah Bethhoglah khorhi la luei hang tih Betharabah tlangpuei a paan phoeiah Reuben capa Bohan kah lungto rhi la luei.

⁷Te phoeiah Akor kol lamloh Debir khorhi la luei bal tih soklong tuithim kah Adummim kham dan Gilgal ah tlangpuei la hooi uh. Te phoeiah khorhi loh Enshemesh tui te a paan tih Enrogel ah a bawtnah om.

⁸Kolrhawk khorhi tuithim kah Jebusi tlanghlaep Jerusalem la yong. Te phoeiah khorhi te tlangpuei kah Rapha kol hmoi, khotlak kolrhawk dan kah tlang soi la luei.

⁹Te phoeiah khorhi te tlang so lamloh Nephtoah tuisih tui la ngooi thuk tih Ephron tlang kah khopuei rhoek te a paan phoeiah Kiriathjearim kah Baalah khorhi la rhum.

¹⁰Baalah khotlak lamkah khorhi te Seir tlang la a ken bal tih Kesalon tlangpuei kah Jearim tlang hlaep la yong. Te phoeiah Bethshemesh la suntla tih Timnah la kat.

¹¹Te phoeiah khorhi te tlangpuei kah Ekron hlaep la pawk tih Shikkron khorhi ngooi. Te phoeiah Baalah tlang a pah tih Jabneel a pha phoeiah tuitun rhi ah a bawtnah om.

¹²Te dongah khotlak tuili puei khorhi neh Judah ca rhoek kah khorhi he, amah huiko rhoek loh a vael khorhi la om.

¹³BOEIPA kah olpaek vanbangla Joshua loh Judah koca lakli ah Jephunneh capa Kaleb ham Anakim napa Kiriatharba kah Hebron te khoyo la a phaeng.

¹⁴Te lamkah Anak koca pathum Sheshai, Ahiman neh Anakim cahlah Talmai te Kaleb loh a haek.

¹⁵Te lamloh Debir khosa rhoek khaw a khoong thil. Debir kah a ming rhuem tah Kiriathsepher ni.

¹⁶Te vaengah Kaleb loh, “Kiriathsepher aka tloek tih aka lo te tah ka canu Akcah he a yuu la ka paek ni,” a ti.

¹⁷Te dongah Kiriathsepher te Kaleb kah a manuca Kenaz capa Othniel loh a loh tih anih yuu la a canu Akcah te a paek.

¹⁸Huta loh ham paan vaengah a napa taengkah khohmuen bih hamla a va te a vueh tih laak dong lamloh pawlh bit uh. Te dongah anih te Kaleb loh, “Nang tih balae na ngaih,” a ti nah.

¹⁹Te dongah, “Kai ham khaw yoethennah nan khueh atah tuithim khohmuen ke kai m'pae lamtah tuidueh tui khaw kai ham na khueh bal mako,” a ti nah. Te dongah anih te a siip tuidueh neh a hnawt tuidueh rhoek te a paek.

²⁰He tah Judah ca rhoek loh amah koca khuiah a cako rhoek kah rho ni.

²¹Tuithim Edom khorhi kah Kabzeel, Eder, Jagur,

²²Kinah, Dimonah, Adanah,

²³Kedesh, Hazor, Ithnan,

²⁴Ziph, Telem, Bealoth,

²⁵Hazorhadattah neh Hazor kah Kerioth Khetsron,

²⁶Amam, Shema, Moladah,

²⁷Hazargaddah, Heshmon, Bethpelet,

²⁸Hazarshual, Beersheba, Biziothiah,

²⁹Baalah, Iyim, Ezem,

³⁰Eltolad, Kesil, Hormah,

³¹Ziklag, Madmannah, Sansannah,

³²Lebaoth, Shilhim, Ayin, Rimmon, khopuei pakul pako neh vangca boeih he Judah ca rhoek neh amih koca kah khobawt ah aka om khopuei rhoek ni.

³³Kolrhawk ah khaw Eshtaol, Zorah, Ashnah,

³⁴Zanoah, Engannim, Tapuah, Enam,

³⁵Jarmuth, Adullam, Sokoh, Azekah,

³⁶Shaaraim, Adithaim, Grderah, Gederothaim, khopuei hlai li neh amih kah vangca rhoek.

³⁷Zenan, Hadashad, Migdalgad,

³⁸Dilean, Mizpeh, Joktheel,

³⁹Lakhish, Bozkath, Eglon,

⁴⁰Kabbon, Lahmas, Kitlish,

⁴¹Gederoth, Bethdagon, Naamah, Makkedah, khopuei hlai rhuk neh amih kah vangca rhoek.

⁴²Libnah, Ether, Ashan,

⁴³Jephthah, Ashnah, Nezib,

⁴⁴Keilah, Akhzib, Mareshah, khopuei pako neh amih kah vangca rhoek,

⁴⁵Ekron, anih kah khobuel neh vangca rhoek,

⁴⁶Ekron lamloh tuitun kah Ashdod ngoe boeih neh amih kah vangca rhoek,

⁴⁷Ashdod khobuel rhoek neh a vangca rhoek. Gaza khobuel rhoek neh anih kah vangca rhoek, Egypt soklong neh tuipuei rhi kah rhi puei duela om.

⁴⁸Tlang kah, Shamir, Jattir, Sokoh,

⁴⁹Dannah, Kiriathsannah Debir

⁵⁰Anab, Eshtmoa, Anim,

⁵¹Goshen, Holon, Giloh, khopuei hlai khat neh amih kah vangca rhoek,

⁵²Arab, Rumah, Eshan,

⁵³Janim, Bethtappuah, Aphekah,

⁵⁴Humtah, Kiriatharba Hebron Zior khopuei pako neh amih kah vangca rhoek khaw om.

⁵⁵Maon Karmel, Ziph, Juttah,

⁵⁶Jezreel, Jokdeam, Zanoah,

⁵⁷Kain Geba, Timnah khopuei parha neh amih kah vangca rhoek,

⁵⁸Halhul Bethzur, Gedor,

⁵⁹Maarath, Bethanoth, Eltekon, khopuei parhuk neh amih kah vangca rhoek,

⁶⁰Kiriathbaal Kiriathjearim, Rabbah khopuei panit neh amih kah vangca rhoek,

⁶¹Khosoek kah Betharabah Middin neh Sekakah,

⁶²Nibshan, Lungkaeh khopuei, Engedi khopuei parhuk neh amih kah vangca rhoek khaw om.

⁶³Tedae Jerusalem kah aka om Jebusi rhoek tah Judah ca rhoek loh a haek ham coeng rhoe la coeng pawh. Te dongah Jebusi neh Judah ca rhoek he tihnin duek Jerusalem ah hmaih om uh.