Joshua 13:1-20

¹Tana bona Joshua te tonikama tua, a Lord te bosa vania, “Ighoe to tonikama tua, me subo mua na pari te ghani gekau lagavulei gekau loghoi.

²Na vure tara liona sono gekara loghoi didira na pari na Philistia mana Geshur.

³Tana bubulo didira na Canaan - Na pari te vuni tana daidari Shihor, na vovokani Egypt, me tona longa me va sara tana vovokana i Ekron, - rana lima na vunaghi haba ni vure ni Philistia tara vunaghi pungisighi na komu sule Gaza, mi Ashod, mi Ashkelon, mi Gath maia Ekron, Mana didira na pari na Avvite te ghanaa mua,

⁴gekau lagavulea makau lavia, na pari raini didira na Canaan, kolua nia didira Sidon, me tona haliu longa va i Aphek va tana i vovoka ni Amor.

⁵Ma didira na pari na Gibal maia na lei ghotu ni Lebanon m tona ghalagha te vuni Baal-gad sarana na i Hermon me va sara i hebo-hamath.

⁶Na lei ghotu te vuni Lebanon me va sara i Misrephoth, maia na pari udolu didira na Sidon. “Inau ku ghuru kehaa na vure tana lei pari raini geke vanira rana Israel gekara loghoi te vaghaa tu vetenagho nia.

⁷Na lei ke vania tua ana Israel, mo ko tuvalighi ighobudira ara hiua na kema mai na levuna na kemana Manasseh.”

⁸Na levuna na Kemana Manasseh maia na Kema dira Reuben ma Gad tara lavi sokoa tua na tunuvadra tana levu uluna Jordan, Moses nina tinoni lutu God te iki vahera tua.

⁹Didira na bubulo te vuni tanaKabara ni beti Aroer, me lavia na komu i ghobina gorge, va tana namata Medeba me va sara Dibon.

¹⁰Me lavi udolui na lei komu dira na Amorites te vunaghi ga Sihon me Vunagh i Heshbon, me tona haliu me sara tana vovoka ni Ammon.

¹¹Mi Gilead tana bubulo ni Geshur mi Maacah, mana ghotu Hermon mi Bashan udolu me va sara i Salecah.

¹²Mana bubulo ni Bashan te vunaghi ga Og na Vunaghi me vunaghi i Ashtaroth mi Edrei. Gaia na sosokodira naRahait, a Moses te te veitotoghoni kolura me ghuru kehara tua.

¹³Hau va, mana lei dale Israel tara mua tangomana gekar ghuru kehara na vure ni Geshur mi Maacah, mara tona haliu so na kabu koluadira me sara mai tana bongi taeni.

¹⁴Moses te mua tunuvara nia siki pari na kemana Levi. Tughua keri, te vaha Lord te bahura nia tuna, natunuvadira ke mai tua tana kere Sukaghi ta vuvungana na bela ni Sukagi vania Lord God ni Israel.

¹⁵Moses te vahera na lei bona raini vanira na lei binaboli tana kemana Reuben.

¹⁶Didira na bubulo te vuni Aroer, tana kabaana na beti Arnon Gorge, (mana komu sule ighobuna Gorge) me va sara tana nanata Medeba.

¹⁷Me lavighi ghua Heshbon mana le komu sule tana nanata – Dibon, Bamoth-Baal, Beth-baal-meon.

¹⁸Jahaz, Kedemoth, Mephath

¹⁹Kiriathaim, Sibmah, Zereth-shahar tana ghotu mana nanata ipari.

²⁰Beth-peor, tana sughi i Pisgah, mi Beth-Jeshimoth.