Joni 7:22-52

²²Ama ana agafare Mosese'a eit (8) zupa mofavre zamufa tga hiho hu'ne. Na'ankure Mosesena agripintira ome'ne. Hagi tmagri tamagehe'impinti e'ne, higetma mni fruhu kna zupa (sabat) vahe zamufa tga nehaze.

²³Mago ne'mo avufa mni fruhu kna zupa tga hanigetma, Mosese kasege ruhanontagie nehaze. Hagi tamagrira tmarimpa nehe, na'ankure Nagrama vahe'ma mni fruhu knazupa avufa eri so'e hunte'noa zamo tmasia nevzio?

²⁴Amega zamufarera vahera refko hutma keaga (kotim) huozmanteho. Hagi fatgo avu'avate refko huta nanekea huzmanteho.

²⁵Anage hige'za mago'a Jerusale kumate vahe'mo'za amanage hu'naze, Ama'na Nera aheku'ma nehakraza nepi?

²⁶Keho, Agra amate kevumokizmi zamufi naneke nehiana nahige'za kea nosaze? Kva vahe'mo'za Agrama Kraisi mani'negura, antahi'nafi?

²⁷Ana hu'neanagi, tagra antahi'none igati ama nera e'neo, hianagi ina knarema Kraisi'ma esiana, mago ne'mo'a Agra igati e'neo ontahigahie.

²⁸E'i anage nehzageno Jisasi'a ra mono kumapinti (tempol) kezatino rempi hunezmino anage hu'ne, Tamagra, Nagri ene, inantegati Nagra e'noe tarezana hago antahita, ke'naze. Hagi Nagra navesitera ome'noe, hianagi aza'o hunantege'na e'nomo, Agrake tamage nere, tamagra ana nera onke'naze.

²⁹Nagra, Anumzamofona ke'na antahi'noe, na'ankure Nagra, Agritegati Agra hunantege'na e'noe.

³⁰Anage hige'za Jisasi'na azerinaku hu'nazanagi, mago'mo'a aze'orine, na'ankure Agri kna zahufa ome'ne.

³¹Hianagi ana vahe kevufinti hakaremo'za, Agrite zamentinti nehu'za anage hu'naze, Mesaia'ma esuno'a, Agra hakare'a avame'zama ama ne'moma nehia zana agtereno hugahifi ana osugahie?

³²Atru hu'naza vahe'mo'za Jisasinku sumi ke hugantu hugma nehzage'za, Farisi vahe'mo'za nentahi'za, vugote'naza mono kva (Pris) vahe'mo'zane Farisi vahe'mo'za, Jisasi azerihogu ra mono nonte kegva hu'naza vahe (tempol gats) huzmantage'za vu'naze.

³³Anazanku Jisasi zamasmi'ne, osi'a kna tamagra ne manite'na, ete Agrama hunantege'na e'noa Netega Nagra vugahue.

³⁴Tamagra, Nagrikura hakre gahazanagi, Nagria nagefore osugahaze. Hagi Nagrama umani'surega tamagra ovugahaze.

³⁵Jiu kva vahe'mo'za zamagra zamagra ke hugantu hugma nehu'za anage hu'naze, Inantega Agra vnigeta Agrira onkeku hunkeno nehie? Agra tatreno Jiu vahe'mo'za Griki umani'naza vahe ene, Griki vahe rempi huzamiku Jisasi'a nehio?

³⁶Ina knahu ke Agra huno, Tamagra, Nagrikura hakre'gahazanagi, Nagria nage fore osugahaze, hagi Nagrama mani'nesurega tamagra vuga osu'naze huno nehie?

³⁷Ne'za nene'za musenkase nehzageno, vgare kna zupa ran knagino, Jisasi otino kezatino anage hu'ne, Tinku avesinimofona, atrenkeno Nagrite eno eme neno.

³⁸Anumzamofo avontafepi kre'nere, Aza'o, Nagrite amentinti nehnimo'a negahie, Agri agu'afinti manivava timo hageno evugahie. (Aisa 58:11)

³⁹Hianagi Agrama amanahu kema hu'neana Ruotge Avamuku hu'ne, Agrite zamentinti hanamo'za erisagu hu'ne, na'ankure Jisasi'a ra agi e'orineno, Ruotge Avamura eoraminegeno hu'ne.

⁴⁰Ana kema mago'a vahemo'za nentahi'za, amanage hu'naze, Ama'i tamage huno Kasnampa ne' mani'ne hu'za hu'naze.

⁴¹Ruga'amo'za anage hu'naze, Ama'i Kraisi'e nehzageno, ruga'amo'za hu'za, Galili kzigatira tamage Kraisi'a omesnifigure?

⁴²Anumzamofo avontafe'mo huno, Deviti nagapinti Betrehemia Kraisi'a fore hugahie. Deviti mani'neno hu'nea kumateku osu'nazo? (Sam-Zga 89:3-4, Maik 5:2)

⁴³Ana vahe kevufinti Agriku hu'za antahi'za zamifi refko hu'naze,

⁴⁴Mago'amo'za Jisasina azerinaku hu'nazanagi, mago'mo'e huno aze'orine.

⁴⁵Anante ra mono nonte kva vahe'mo'za azage'za, vugota pris kva vahe'ene Farisi vahe'mo'za anage hu'naze, nahigetma Jisasina avretma ome'naze?

⁴⁶Ana ra mono nonte kva vahe'mo'za kenona'a hu'za, Mago ne'mo'a kora higeta ontahi'nona naneke, ama ne'mo'a nehie.

⁴⁷Farisi vahe'mo'za kenona'zmirera amanage hu'za zamantahige'naze. Tamagri'enena anazanke huno havi kante tmareno nevifi?

⁴⁸Mago ran kva vahe'motafi, Farisi vahe'mota, Jisasintera tamentintia nehumpi nosu'ne?

⁴⁹Hianagi ama vahe kevua, kasegema ontahi'nagu havizamofo agu'afi mani'naze.

⁵⁰Nikodimasi'ma kenagepi Jisasinte vu'nea kva ne'mo, amu'no zamifi mani'nereti amanage huno zamasmi'ne.

⁵¹Tagri kase kemo'a mago nera refko huno kegaga hunonteanki, pusante agripinti na'a hu'nesie kea eriteno, tamagefi havige huteno keaga huntegahie. (Diu-Kas 17:6)

⁵²Zamagra kenona'a asmi'naze, Kagra anazanke hunka Galili kazigati e'nampi? Anumzamofo avon tafepi hamprinka ko, mago kasnampa (profet) nera Galilia fore osugahie, hu'za Nikodimasi asmi'naze.