Joni 6:40-51

⁴⁰Eno olu ndoluyando lwa Taata, ikuti umwi awumwi uubona Mwana akusyoma mulinguwe uyooba abumi butamanini alimwi ndiyomubusya mubuzuba bwamamanino.

⁴¹Mpawa ba Juda bakatongawuka aatala anguwe nkambo wakamba kuti,” ndichinkwa chakazwa kujulu.”

⁴²Bakaamba kuti,” saa tali ooyu Jesu mwana wa Jozefu, wisi abanyina mbituzi, mpaali mpaambila obo, ' Ndaza aansi kuzwa kujulu?”

⁴³Jesu wakasandundulu akubaambila kuti,” amuleke kutongawuka akati kanu

⁴⁴tawope naba omwe uuza kulindime anukuti Taata wakandituma wamweeta, aboobo ndomubusya mubuzuba bwama maninino.

⁴⁵Kuli lembedwe mubasinsimi,” ikuti boonse balooyisigwa a Leza. Umwi awumwi wakamvwa akwiiya kuli Taata ulaza kulindime.

⁴⁶Taakwe wakabona Taata kunze kwayooyo wakazwa kwa Leza wakabona Taata.

⁴⁷Nkasimpe, nkasimpe, ooyo usyoma ulaabumi butamani.

⁴⁸Ndichinkwa chabuumi.

⁴⁹Bamawuso bakalya mana munkanda, aboobo bakafwa.

⁵⁰Echi chinkwa chizwa kujulu, lino kuti muntu wachilya tafwi.

⁵¹Ndichinkwa chabuumi chakaza aansi kuzwa kujulu. Kuti naa umwi wachilya chinkwa eechi, uyoopona lyoonse. Chinkwa nchipa ngomubili wangu bube buumi bwanyika.”