Text copied!
CopyCompare
GODIDO VUA MAEJE - Joni - Joni 3

Joni 3:9-18

Help us?
Click on verse(s) to share them!
9Jesu fu ijiege kuaramoga Nikodimasi vua ije fu naebe mukoe fie. Ijadufuo fu una Jesu kuae, Vua ije a kuariemo ije fu izege rekono kuae?
10Ro Jesu fu una kuae, Aeje aka e Isureroko ijiebuo e vua nijasiamo be. Rove a vua ige na kuaravo ije aka naebe mukoreigia fieme.
11Vua boeje no kuaenoejo ije noka kufuimevo baki. Ro noka irere no vierafekinu ro giaeva ije kuariave. Rove vua nuvuone ije jaka mukoe fiena kenoevo baki.
12Ro iviama na ume igadufuo vua ije abe kuariavo ije jaka ma vierafevo baki. Ijadufuo na una saove gufadufuo vua ije kuariakuva jaka izege ma vierafekuva baki.
13Ro fu erare saove gufia ajia vaema baki ro fune Ema ijiebuo Fari ije Godi fu kuamo fu ari ruaema ijare fuosukua.
14E Mosisi fu ae sao ijia ire be abe tabare amaerina kabo ijia kiramo e adagi bu ije gavone adame buone fu madiame. Vame besu ijiege ro Ema ijiebuo Fari ige nadua bu abe kurosi kaniena abe kafe nifurike.
15Ijadufuo erare fu kurosi kave ije na baronevo ije giena ma vierafekuma fu vame ma karivako ije abeke.
16Ro Godi fuka e boeje ume igia oenoevo ije ireobo oetuaema ijadufuo fu Fari fuone besu ije kuamo fu ari ruae. Ijadufuo erare fu Fari fuone ije ma vierafekuma fube baroneke ro fume maza boeje Godiki ijia fivake.
17Godi fu Fari fuone ije kuamo fu e boeje ume igia ise renoejo ijiebuo ise ije kena mazie giakiro ruaema baki ro fume bu karauniakiro ruae.
18Ijadufuo erare fu Godido Fari ije ma vierafekuma Godi fube rade ise fuone fu rema ijadufuo dabe isekafake. Ro erare fu Godido Fari besu ije naebe ma vierafekuma e ije Godire rade dabe isekafake.

Read Joni 3Joni 3
Compare Joni 3:9-18Joni 3:9-18