Joni 3:5-22

⁵Higeno Jisasi'a ana kemofo nona'a amanage huno asmi'ne, Tamagerafa hu'na kagrira negasmue. Aza'o tinteti'ene Avamuteti'ene ksefa osnimo'a, Anumzamofo kumapina uofregahie,

⁶Mopafi vahe'mo ksente'nesiana vahere. Hanki Ruotge Avamu'mo eri fore hu'nesiazana avamure.

⁷Amama ksamisua zankura Nagriku hie hunka kmanogura osunka, kagra etenka ksefa mofavre hampro,

⁸Zahomo'a inantega vunaku hirega nevigenka agerutfama'a nentahine. Hagi inantegati eteno, inantega nevio antahinka kenka nosane. E'ina hu'za mika vahe'mo'za Avamupina ksefara nehaze.

⁹Nikodimasi'a ana zanku, amanahu zamo'a inankna hugahie? huno higeno,

¹⁰Jisasi'a ana kemofo nona'a amanage huno hu'ne, Israeli vahe'mokizmi rempi huzami ne' mani'nenka, ama nanekea antahi amara nosano?

¹¹Tmagerfa hu'na negasmue. Kema nehunana, antahita keta hu'nona zanku huama nehunkenka, ana nanekegura kagra antahi noramine.

¹²Mopafi zanku'ma negasmi'sugenka kagrama kmentintima osnunka, ina kna hunka monafi zanku'ma kasami'suana kamentintina hugahane?

¹³Mago'mo'a monafinka mrerino ovu'ne. Hagi Agra monafinkati'ma erami'neana, Vahe'mofo Mofavremo erami'ne.

¹⁴Mosese hagage kokampi osifa'vema erintesga hu'nea kna hu'za, Vahe'mofo Mofavrea azeri antesga hugahaze.

¹⁵Hanigeno aza'o, Agripi amentinti hanimo'a, manivava asimu erigahie.

¹⁶Anumzamo tusiza huno mopafi vaheku avesi nezmanteno, magoke ante'nea Ne'mofavre'a zami'ne. Agrite zamentinti hanamo'za fananne osu'za manivava hugahaze.

¹⁷Na'ankure Anumzamo Mofavre'a huntegeno ama mopafima e'neana, mopafi vahe refko hinogu huntegeno ome'ne. Hagi Agripinkati vahe'mo'za zamagu'vazizana erisaze huno huntegeno erami'ne.

¹⁸Aza'o Agripitema amentintima himofona refko huno nanekea hunonte, iza'o Agrite'ma amentintima nosimofona, trate ko avrenteno keaga hunte'ne. Na'ankure Anumzamofona magoke Mofavre'amofo agirera, agra amentinti osigu ana nehie.

¹⁹Nanekema huzmante'siana, ama kemofo agafare huzmantegahie. Msamo'a ama mopafima efregeno'a, vahe'mo'za hni avu'ava'zanku avesinente'za msamofona avesi onte'naze. Na'ankure havi zamu'zmake'za hu'naze.

²⁰Aza'o hvizama nehia vahe'mo'a, tvi'mofona zamesra hunente'za, msarera nomaze. Na'ankure haviza nehazazamo eama huzanku nomaze.

²¹Hu'neanagi aza'o tamage avu'ava'ma nehimo'a tvitera egahie. Na'ankure hakaremo'za nege'za Anumzamofo avenesiaza nehie hu'za hugahaze.

²²Ananteti Jisasi'a amage nentaza disaipol naga'ane, Judia kaziga vu'za vahe'ene mago'a kna umani'ne'za mono tina fre zamante'naze.