JONI 20:23-28

²³Sa-ikadeko, wewena maya lahelamibo nesamu liki hulataboya suwetiyo. Sa-ikiki liki hulamitabo maya aha minakolaiye, loko liye. 23 Mat 16:19; Mat 18:18

²⁴Iwete makoya uliwa Tomasiyo loko uliwa makoya Lobe-Oluhoe loko nebo weya eba makomalo neyoko, Jisesima sinokoko niseko lemotoka soto piye.

²⁵Soto pekaiyoko, lemo sa-loko wetome oko lo mune: Lemo we napate maya lomudaloti muda-elokune. Loko lokuniyoko, Tomasimamo neimonekaho adelau hulala maya mudamoko ayauya nadeloti leko elamoko, ito lohanaloka hulala maya nadeloti leko elamoko maya, gatipo watiya ne loko lametuwe.

²⁶Loko lokoko neyoko, Sade makoya alili okaiyoko, lemo unala ipalale yuha maya aya Tomasimakiya numuda makomauya minudanaki, anu maya voko etoha okoko ulau maya minune. Sako minuniyoko, Jisesima luwakuti maya soto pekoko sa-loko lo limiye: Huluya edimotoka minadeyo.

²⁷Loko lokoko Tomasida maya sa-loko lo miye: Adeloti yaitaya nade hulaneloka maya leko mudao. Ito adeka hulo moloko lohaneloka maya leko elo. Sakoko ataka lowe kamoko elewole oko ata makoko ko.

²⁸Loko liyoko, Tomasimamo we napanemae ito Omainemae, loko liye.