19Nalo amijog iliano nei, naruei abika denio, aberinavo “Jau kojom̃a kober karam̃amo na, mia naio jo be vonganei?” Ana na Yesu berdop̃e, naio berinavo “Kamiu maka kuvijikia naio, jibe ga napano maka kuvijikia kiniou. Ver kumijikia batitig kiniou rivu, mia rila kamiu kuvijikia vatitig naio bunu rivu, a maka kuvijikia kuvika vikadeniano tibe na, ana makanio.”
20Iliano nalo nei, Yesu berlogloglo ea Yimo Lu, nina ea tivelinio na naio, vio be na mia avar vatitig kiano ijaiano na veru nalo napano ajuvan ban Atua. Ana ea bogo nei, maka ajikia avakar naio, bior maka kiano bogo vo.
21Ana Yesu berial bunu jibe na banlo, naio berinavo “Kiniou nava kovio den kamiu naruei. Bogo na ver nava kovio varlaka, mia kamiu kuvisirago kiniou, rivano-o mia kuvial re kiniou, mia kum̃arm̃aro vija kenemiu kariano nalo. Kiniou navan ea vio tai napano mia maka kuvijikia kumei eaio.”