Text copied!
CopyCompare
KAKAI HAEU - Jon - Jon 9

Jon 9:8-16

Help us?
Click on verse(s) to share them!
8Teka seilon laha toto xohixohin kapin ma teka laha ningahiwen i imat ti lawe i to katekat huhual, laha he kamekam, “Nakon i se tetel seilon pulaxa, lawe kako ningahi i to katekat huhual?”
9Teka laha ukek, “Se tetel ien.” Tuahe teka liai ukek, “Kumahe, tuahe tanoman masin wanen i.” Ape puki tel seilon hone laha, “Se nga tetel seilon amuto he kamekam.”
10Laha kamei i, “I sohot ukek ia ape pulam ewi?”
11I kak pahoi ukek, “Tel seilon axan Jises pukeini hawasalisali teik pekeun ape i ahui hani pulak. I talo nga nahih nuhi kawak hani tehu kan Siloam ape nga aile usi. Tataen ien pulak i ewi ape nga paxapax uke.”
12Laha kamei i, “Tel seilon ien ape ia?” I ukek, “Nga kum tioi.”
13Muhin ien laha hakahita tel seilon kemuk pulan pulaxa hani teka Parisi.
14Ngain tetelao ien Sabat ti Jises aile hawasalisali teik pekeun ti aile haewiai puli tel seilon ien.
15Teka Parisi kamei i, “I sohot ukek ia ape o paxapax?” Ape i kakane lato, “Jises hana teik pekeun wasalisalin hani he pulak ape ti nga nahih nuhiwa kawak, pulak ewi.”
16Tesol ti teka Parisi ukek, “Tel seilon Jises i kumahe wanen ti Haeu nake i xaputi nauna ti telao ngain Sabat.” Tuahe teka liai ukek, “Kumahe, nake tap tel seilon woun lialun i pon ailei waliko tenen lalap ti kui pohen masin ti tel seilon ien.” Kakaialaha i hatano wasolalaha.

Read Jon 9Jon 9
Compare Jon 9:8-16Jon 9:8-16