Text copied!
CopyCompare
Sahou ta Kindrei - Jon - Jon 9

Jon 9:21-28

Help us?
Click on verse(s) to share them!
21Arile aru tanan bwe; i buku sah handru madan ndrasak ja kada-ah, ma are lau handru sihi madan, aru tanan bwe. Aha kandremenya iy. Iy tanan, ma iy winiyan asehek taha.”
22Taman uru tinen asehek, tasah uru anoh iri Juwis. Iri Juwis ndratehei sahou ndra-en aliy bwena, i buku are lau iy asehek anya Jises badeh, Mesaya, iri kameh tikahei iy udu bolo asiu ta atukum tiri Juwis iu ili manan.
23Eme taman uru tinen asehek anya, “Iy ndrabadok, ma iy winiyan ta asehek sahou, aha kandremenya iy.”
24Iri luhi iy ndramak nane eme hamon san rasan ja, ma iri asehek i tan, “Abo, ou tandrakan, ma masiye Kindrei na dah, ma ou asehek sahou handru! Ahi tanan, iy ndramak nane bwidi madam asak, iy badeh, irek ta lomondra ndra-in.”
25Iy ndramak nane madan ndrasak asehek ili tiri anya, “Jo bala tanan bwai, buku iy ndramak doh lomondra ma kandriyen ndra-in udu tan deh bwe. Lakou ari le jo tanan: Bwena mene jo madak bwe, arile nadah madak ndrasak ja.”
26Ano iri ndremenya iy ja, “Saba lakou handru iy amekes ewek tam? I buku sah handru iy sihi madam?”
27Eme iy asehek, “Jo nane ndrasehek taha eh, aha banuhun bwe. Buku sah aha anya kanuhun ja? Sebwe aha anya kasahan iri lau tan ale nadeh?”
28Eme bwidi iri asehek sahou boto-on i tan, “Ou lau tan ari ai! Ahi lau ta Moses labai!

Read Jon 9Jon 9
Compare Jon 9:21-28Jon 9:21-28