Jon 9:18-40

¹⁸Urik limu mbara, �Mir mbafirimbanda ma mira. Misokome mihi mbeek tumuri ambu vri.� Karem li mbaha ma otohi avoko nijavan li mbarik fri rarik limu silira,

¹⁹�Toto jikisi shihi or? Nijava orhi nyirin, os orin nyi wari wolo misokome orhi er tumuri op? Os erem si nanda nahi, mberem ushiwak ter or heyendu?�

²⁰Karem li silirik avoko nijava orhi ovro frimu mbara, �Jikisi shihi ria. Nijava orhi orin si wari wolokop misokome orhi angop tumuri vri.

²¹Hako ter or heyewa oso shimu hishandu. Lawe mbawak misokome orhi jivik fri naw, oso shimu hishandu. Orin ji silika. Or angop wasilakak nawa ria. Mashin mbanda or te!�

²²Judama ondon fri ajehe mashi oson erem frimu sawera. Judama angop karem li anaowehe mbari lir, os ma lar or sawe nor mba, �Jisas Avui Wasilaka kamashirik hulaima nokopman jivinakurik tari ma ria,� karem mbawa ma oton avak ni kria ermbeshinak nir nga nakrem lotu ukwa ambu ri.

²³Karem li mbari osik ma otohi avoko nijava frimu mbara, �Jikisi shihi oto angop wasilakak nahanda ria. Orin ji silika.�

²⁴Urik indik ma oton li usharik or tarik limu mbara, �Misokome Avui Wasilakahik mashi ome nom mbaka. Ma or mi mbawa ma oton angop ni heyenda ri. Or kavakavan unda ma ria.�

²⁵Urik ormu mbara, �An amu hishandu, kavakavan unda ma or mo wahau. Hako ana heyewa karem, mas misokome anhi tumundari sir. Hako ter amu heyenduwa.�

²⁶Urik orin indik limu silyangora, �Mberem mendem or uwak misokome mihi jivik fri nawa?�

²⁷Urik ormu mbara, �Wahau te! Angop a sawewak ji misiwa os te! Misiwa ambu oj? Jir er nga orin tiyanda mak ji nakwak jimu hishindu?�

²⁸Karem or mbarik orin li okolehe limu mbara, �Mir orin tiyanda ma mira. Hako nir Mosesin ni tiyanda nira.

²⁹Avui Wasilaka mashi orhin Moseshi tavak or halari osik nir Moseshi mashin ni tiyanda nira. Hako ma or mi mbawa oton nir mbeek ni heyenda ambu nir.�

³⁰Urik ormu mbara, �Jir mberemhi mashin ji mbandu? Ma or misokome anhin uwak jivik a nawa ma oton jimu hishandu?

³¹Avui Wasilaka mbeek kavakavan unda ma sawewan misinda ambu ri, wahau. Hako ma or orhi mashin misindiyanda ma orto sawewan misinda ri.

³²Nir mbeek mas kaso kas ni heyendari ambu nir, os ma lar nijava orhi orin si wari wolokop misokome orhi tumundari lar li mbarik jivik or nari oson.

³³Os Avui Wasilaka ma oto nga nor nawa ambukop or mbeek misokome anhin or uwak jivik nawa ambu vri.�

³⁴Karem or mbarik Farisi ondo wavu lihi am kavak si narik limu mbara, �Mir nijava mihi jivikava nindik si wahanda mir. Erem nahanda ma mir mbeek Avui Wasilakahi mashin nirin ewesawendahi ambu mir.� Karem li mbaha orin limu kria ermbera.

³⁵Urik Jisas os ma oton li kria ermberi mashi oson or misihi orin ormu lasa ira. Or lasa ihi am or heyehe ormu silira, �Mir, Ma Jikisi Avui Wasilakahi oton hishiowenda om?�

³⁶Karem or silirik ormu mbara, �Awasayi, ma oto lawe ria? Anin sawenak avak orin a hishioweka.�

³⁷Urik ormu mbara, �Angop mi heyeri or te! Anira, or mir nga shimu maimbanduwa.�

³⁸Urik ormu mbara, �Wasilaka, ter mirin a hishiowenda nira.� Karem or mbaha hi Jisashin ormu hauowera.

³⁹Urik Jisas mu mbara, �An misambi torok kavakava os ma li uhundan kormbak a mukukmbaha a rari nir. Uhu misokome tumundan a unak li heyekmbaha na rari nir. Hako ma ol mba, �An misokome anhi tumunda ambu sir,� karem mbawa ma ondo misokome lihi er a halashinak tumukwa sir.�

⁴⁰Karem or mbarik Farisi lal orok li sihi mashi oson li misihi limu silira, �Mberem mi mbandu? Nir nga misokome tumunda nir, karem mimu mbandu?�