Jon 8:43-59

⁴³Sur asau ra ka mot tasman lele anung a wasiso? Uni ka mot longoro lar pasi.

⁴⁴A tamamot ra o Satan, ma mot nemi ut lena mot in mur anun a nemnem. Tagun numugu utmakai, i a tene um doko a taro, ma ke tasman a lingmulus, uni katu lingmulus i kis uni. Ra i watung a torotoro, i wasiso nam anun a wasiso mulus, uni i ut a tene torotoro ma a taman a torotoro.

⁴⁵A watung a lingmulus, iri a kibino ra ka mot nurnur un iau.

⁴⁶Osi tagun mot in takun sot pas iau un tu sakino petutna? A watung a lingmulus, ra ilai ra ka mot nurnur un iau?

⁴⁷Osi ra anun o God, i ser longoro a kum wasiso anun o God. Ikut mot, ka mot longoro i, uni awu sur mot anun o God.”

⁴⁸A ramano kum te Juda det watungi tan o Iesu lena, “Met tasman mulusi lena ui a te Samaria, ma a laulau na nion kura un ui.”

⁴⁹Ra o Iesu i balu det lena, “Katu laulau na nion kuri un iau. A urur torom o Tita, ma mot, ka mot urur torom iau.

⁵⁰Ka pam a kum utna ri sur a taro det in ulabo pas iau uni. Ikut ara sot kut, a tene warkurai, i ulabo pas iau.

⁵¹A inanos mot nama lingmulus, osi ra i mur anung a wasiso, ken mat.”

⁵²A ramano kum te Juda det watungi tano lena, “Uniri met tasman mulus ui lena a laulau na nion kura un ui! O Abaram i sa mat, ma a kum poropet kai det sa mat, ikut ui, u watungi lena osi ra i mur anum a wasiso ken mat.

⁵³Pepetlai, u nuki lena ui u labo taun a tamamet o Abaram? O Abaram i sa mat, ma a ramano kum poropet kai det sa mat. U nuki lena ui osi na ngas na musano ui?”

⁵⁴O Iesu i balu det lena, “Ra an ulabo melet pas iau ut, anung a wasiso na ulabo ri ke gas un tu utna. Ikut o Tita ut i ulabo pas iau, i ra mot watungi lena i anumot a God.

⁵⁵Mot, ka mot tasman o God, ikut iau, a tasmani. Ra an watungi lena ka tasmani, iau kai a tene torotoro elar nam mot. A tasman o God, ma a ser mur anun a wasiso.

⁵⁶A tamamot o Abaram i gas sur in tama anung a inawan pat. I tama i, ra i gas doko uni.”

⁵⁷A kum te Juda det watungi tano lena, “Ke limo na noino kilalo utmakai una nilaun anum. Ilai ra u watungi lena, u sa tama tar o Abaram?”

⁵⁸O Iesu i balu det lena, “A inanos mot nama lingmulus, numugu ra ka di usus utmakai o Abaram, iau a sa kis mugu taru.”

⁵⁹Ra det los watat pas sur det in dukuduku o Iesu nami, ikut i parau ra i wan gusun in noworo ina rumu na etabor.