Jon 8:38-40

³⁸Iau hinhinawase muat ta ira linge ing iau gate nes aram ra matmataan tano ragu Sus. Hoing at mon mah muat, muat gilgil ira linge ing muat gate hadade leh tano ramuat sus.”

³⁹Diet ga babalu, “Mehet kilam Abraham namehet sus kanong mehet ga tahuat tana.” Ma Jisas ga tange, “Bia ing a nati Abraham muat, muat gor gil ira linge Abraham git gilgil.

⁴⁰Iesen kana balik, muat walwalar at baak bia muat na bu bing iau, iau no tunotuno nong i te hinawase muat uta ira tutun ta God iau ga hadade leh meram ho God. Iakan ra mangana linge Abraham pa ga gil ie.