Text copied!
CopyCompare
Fanamaket Baibel - Jon - Jon 8

Jon 8:22-49

Help us?
Click on verse(s) to share them!
22Pesu foron famfamu ken fan Iudaia ri ka diik le, 鈥淎rafah, in siimete u tom? I e wara sangan ka tara, 鈥楩alifuh ae ian la ulo, biil i fasih gamen la ulo?鈥欌
23Isau le Iesu ka tara biitom aragii, 鈥淕am tina pikli, ma iau tina mawe. Gam tinaga na piklinbat ma iau biil tinaga na piklinbat.
24Ia ka fas ta gam le gamen met ini foron sinang laulau kimi. Male biil gam unune le iau sau e ier ae, ke gamen met tom ini foron sinang laulau kimi.鈥
25Ri ka diik u le, 鈥淲o seh?鈥 Iesu ka kiliis ri aragii, 鈥淎rae tom ia use u la sing gam tin pakanini na tanwara papang igii.
26Ifuun e tier ian use u isi una nagogon gam. Isau le seh i wuun ta iau, i tekentu kanaka. Ma sanih ia ka ongen ta u sing i, ia ka fas ta fanu tikii ini.鈥
27Biil ri usum le i fasfas ri la ini Tama.
28Pesu, Iesu ka tara aragii, 鈥淎unbiing gam ka fafen ta Kalalik ken Kaltu, namih gamek usum le iau sau e ier ae, ke le biil ia tel ti tier ini wolwol kiak tom. Biil. Isau le ia use sanih sau ae Tata i fas ta iau ini.
29Ma ier ae i wuun ta iau, igii tom na aisang. Biil i fin koseng iau la, wara le ia tel foron foim la tom ae i ier la isi.鈥
30Aunbiing ka use ta u aragii, ke fanu fuun ri ka unune lo.
31Ke Iesu ka fas fan Iudaia ae ri ka unune ta lo le, 鈥淢ale gamen posefat na orek kiak, ke gamen tapiek arae berberat na fafausum tekentu kiak.
32Ke gamen usum na tekentu, ke tekentu ae in fasengsegeng gam.
33Ri ka kiliis u aragii, 鈥淜emem foron tubutamat e Abaram, ma biil biitom keme tapiek arae foron fafauun ken tikas. Arafah o ka tara le kemen sengsegeng?鈥
34Iesu ka fas ri aragii, 鈥淭ekentu kanaka, ia fas gam, fanu tikii ae ri tel sinang laulau la, rin tapiek arae fafauun ken sinang laulau.
35Nenge fafauun biil i kiis fitliu la na matanfel. Biil. Isau le nenge kalalik tina matanfel ae, i kiis fitliu aiwa.
36Ke male Kalalik i fasengsegeng gam, ke gamen sengsegeng sikit.
37Ia usum le gam foron tubutamat e Abaram. Isau le gam totof isi siimete iau, wara le biil ti salan orek kiak na balmi.
38Ia use foron tier ae ia par ta u sing Tata, ma gam tel sanih la ae gam par u sing tama gam.鈥
39Ri ka kiliis u aragii, 鈥淜emem foteng Abaram arae tama kemem, wara le i e tubutamat kemem.鈥 Iesu ka fas ri le, 鈥淢ale gam berberat ke Abaram, ke gamen tel ta foron tier ae Abaram i tel ta u.
40Isau le, biil. Igii gam ka totof isi siimete iau, ia kaltu ae i fas ta gam ini tekentu ae ia ka ongen ta u sing God. Abaram biil i tel ti tier tah aragii.
41Igii gam teltel foron tier ae tama gam tom i tel u la.鈥 Ke ri ka tara sing i aragii, 鈥淏iil kemem pang na sal. God keskes sau, i e Tama kemem.鈥
42Iesu ka fas ri aragii, 鈥淢ale God in Tama gam tah, ke gamen ier kanaka isi iau, wara le ia la tah tinbae sing God ma iau mang igii. Biil ia la tah ini wolwol kiak tom uga. Biil. Isau le God tom i wuun ta iau ugapiek.
43Isi sanih biil gam malal na foron orek kiak? Wara le biil i fasih gamen ongen foron sanih ia use u.
44Gam berberat ke tama gam, e Satan, ke gam ka ier isi mi na wolwol ke tama gam. Tina tanwara i nenge tom siimete fanu, ma biil i sotih la na tekentu, wara le biil ti tier i tekentu la sing i. Aunbiing i lem, i orek tina bala tom, wara le i tom lemlemet ma i taman lem.
45Isau le biil gam unune lo iau, wara le ia fas gam ini tekentu.
46I fasih tikas lo gam in orek tus le ia tel ta ti sinang laulau? Male ia fas gam ini orek tekentu, ke isi sanih biil gam unune lo iau?
47Seh ke God tom, i ongen sanih God i use u la. Ma wara ae biil gam ongen orek kiak, i aragii, biil gam fanu ke God.鈥
48Ke fan Iudaia ri ka kiliis u aragii, 鈥淜emem use fatus u le wo tina Samaria ma i mel e tanwa laulau lo wo.鈥
49Iesu ka fas ri le, 鈥淏iil i mel e tanwa laulau lo iau. Ia bulat lo Tata, isau le biil gam bulat lo iau.

Read Jon 8Jon 8
Compare Jon 8:22-49Jon 8:22-49