Jon 7:46-50

⁴⁶Bu ijeg kuardiavga e Godon ar juo karijo iji bu una roin kia, E iji no afekuai vain gavo no usem vuak fuon iji fu kuaimon iji faiva fuka oiseraduin. Vuak fuon iji fuka vuak sumakin e bu igia kuai no faivo bakin fu ijin kuaimga no ijia are ruainvano kiain.

⁴⁷Bu ijeg kuardiavga e Ferisis iji abevo e mamkanuk iji bu una kia, Ja kafu e ijefuon vuak fuon ijar oijon iji fun kam karoidiain.

⁴⁸Ja vierafega e Ferisis ijiga e mamkanuk igi roin buba una fu ma vierafev?

⁴⁹E iji nigen ka ba mukoi vierafejo iji bu kafu e Mosison akaij iji buba jajiav ijefuon bu uri e ijin ma vierafej. Bu ijegredo rad God fu bu kam unam ise ijia arafiriakno kuain.

⁵⁰Bu ijeg kuaivga Nikodimas e iji fu tavan be naki ijia ro Jesuk fine vuak kuainma ijar uri kia, No akai nuvuon ijia kuainma iji noka amur e iji no kege vajai fian vajiakrejo ijiebuon vuak irerag bu isema rejo ijefuon anej ma iji faikfuon. Regavo rad ijar no bu kege vajai fian vajiakva iji fu markno kiain. Nikodimas fu ijeg kuardiamga e mamkanuk ijiga e Ferisis iji bu madu uri kua, A ijeg kuaimdo ak a kafu e Garerikor. Ni Godon buk akaij iji bu usuibe isoinva ijia dame ga. A ijia dame gabatie a ga e iji fu Godon vuak vierafene kuaimon iji fu ai Gareri ijia ruakma bano kuain.