Jon 6:50-62

⁵⁰Lêc yaên wê lam gê lag puunê ge, xomxo ti obêc ya ge od ob yib lêm.

⁵¹A ga yaên mavɨha wê a lop mɨ lam gê lag puunê. Om xomxo ti obêc ya yaên tiga ge od ob dô mavɨha luta lêc luta. Yaên wê a ob vông vô i ge, aca va lɨyôhô wê a ob vông, ên xomxo kɨbun ga i dô mavɨha.”

⁵²Mêgem Yuda ngaênma lec kɨyang tige dɨ nêl vôma ên nêbê, “Xomxo tige obêc vông i lɨyôhô mɨ il xa tibêna?”

⁵³Om Yesu nêl vô he ên nêbê, “A nêl hɨxôn nôn vô xam bêga bê xam obêc wa a, Xomxo Nu, lɨyôhô dɨ num a hi lêm ge od xam ob dô mamvɨha lêm.

⁵⁴Xomxo wê ya a lɨyôhô dɨ num a hi ge, he ob dô mavɨha luta lêc luta, dɨ a obêc tɨpi vô he kɨdi lec mavɨha vô buc tɨmuên.

⁵⁵Ên a lɨyôhô tu yaên nôn, dɨ a hi tu mia numên nôn.

⁵⁶Xomxo wê ya a lɨyôhô dɨ num a hi ge, he ob dô vac a nɨlôg dɨ a ob dô vac he nɨlô.

⁵⁷Mag mavɨha vông a lam, dɨ a dô magvɨha ya xêkɨzêc wê Mag vông ge. Om xomxo ti obêc ya a ge, od ob dô mavɨha ya xêkɨzêc wê a vông ge.

⁵⁸Tiga, yaên wê lam gê lag puunê ge, lêc o tɨyi xocbê yaên wê bume ya ila ila lêc yib ge lêm. Nge, yaên tiga wê xomxo obêc ya ge od ob dô mavɨha luta lêc luta.”

⁵⁹Yesu nêl kɨyang tige vô xomxo vac Yuda xumac lɨlo gê Kapaneam.

⁶⁰Xomxo wê mi la hɨxôn Yesu gee he tɨbeac ngô kɨyang tige wê Yesu nêl ge, om he nêl ên nêbê, “Kɨyang tiga vɨyin levac, om letya tɨyi wê ob ngô ge?”

⁶¹Yesu xovô wê he nêl kɨyang tɨbeac tɨbeac lec tige om nêl vô he ên nêbê, “Kɨyang tige juda xam, me?

⁶²Xam obêc wê Xomxo Nu lax mɨ la vac vɨgwe ti wê dô vac ilage ge od xam obêc xo bêna?