Jon 6:5-16

⁵Lêc Yesu yê xomxo tɨbeac val om nêl vô Pilip ên nêbê, “Il ob kɨsuu blet gê na mɨ vet xomxo tigae ya?”

⁶Yesu xovô môp wê nêb ob vông ge pyap, lêc nêl kɨyang tige vô Pilip ên nêb ob yaxên i.

⁷Mêd Pilip nêl vô i ên nêbê, “Il obêc kɨsuu blet lec mone yul yuu (K200) mɨ vông nipwo tyatya vô he ge od yaên tige obêc tɨyi he vɨhati lêm.”

⁸Mêd nue ngɨvihi ngwe lê nêbê Andlu, wê Saimon Pita li ge nêl ên nêbê,

⁹“A xê xomxo nipwo ti wê kô blet vɨgê vɨlu dɨ beac yuu, lêc yaên tige o tɨyi xomxo tɨbeac tigae lêm.”

¹⁰Mêd Yesu nêl ên nêbê, “Xam vông xomxo vɨhati i tô mɨ dô kɨbun lê.” Vɨgwe tige hɨsinac nivɨha dô om he dô kɨbun lec. Xomxo tigee tɨbeac hɨwocên om vux vaci tɨyi xocbê 5,000.

¹¹He dô kɨbun pyap mêd Yesu hôm blet tige dɨ kɨtaa lec mêd tɨtang vô xomxo vɨhati. Nang dêc vông bêge vô beac hɨxôn, mêd xomxo vɨhati ya dɨ i den he.

¹²He ya pyap, mêd Yesu nêl vô nue ngɨvihi ên nêbê, “Xam vɨlu myapɨpu wê he ya dɨ i dô gee mɨ tung i dô kɨdu ti, ên ti i o loc dô sea lêm.”

¹³Mêgem he kɨtuc myapɨpu wê xomxo ya dɨ i dô gee mɨ su vac sepac vɨgê yuu dɨ tô mɨ la yuu mɨ i pup lec.

¹⁴Xomxo tigee yê do levac wê Yesu vông ge om nêl ên nêbê, “Plopet ti wê he nêb ob lam kɨbun ge, tyo tiga vɨxôhɨlôg nôn.”

¹⁵Mêd Yesu xovô wê he nêb he ob hôm i xôn dɨ vông i tu he nên king ge, om sea he dɨ ici va lax mɨ la lec kɨtôn.

¹⁶Vɨgwe huc dɨ Yesu nue ngɨvihi lop mɨ la mia luaên nɨnya,