Jon 6:43-54

⁴³Kare kula Iesu pare, “Ahik pah mung mene ngurungur katongosioum,

⁴⁴Tamouguo teene ke heiriha totoguo. Ahik me tang sioko re banotong lame totoguo, te gete keip tunumpeme Tamouguo tatanono totoguo, karu turung uatentur tapokiso tatanon e tua tar uadouhinar marein.

⁴⁵Ge sioun pe o propeit ka bolo pare, ‘God e turung ualasira tasir tamata uakap.’ Mais ra longoro tang God, kara kale niate to tatanon, ra lame totoguo.

⁴⁶Ahik me tang sioko ke banga tang God ter tang sioko puk manasampe gere la tur tatanono teke banga tang Taman.”

⁴⁷“Inggo gine ru hire tamiuoum toro man, mai re tagorong man, na nituaon e moko dedengua.

⁴⁸Inggo tero bereiting tar nitua.

⁴⁹O bungumiuoum ka ein to tar mana tar butur padenen, bo gisina puk ka mate dedempe.

⁵⁰Rone tero bereit geko la turuha i Heuen, mair tamata re ein toro bereit roon ahik pahe turung mat.

⁵¹Inggo tero bereit gero tua geko la turuha i Heuen, mai re ein toro bereit roon, inggon e turung tua dedengua. O bereit roono ter tukunuguo geru turung heirin, maeit ra turung kaler tamata uakapane i koto tar nitua.”

⁵²Doh gisinar Ju ke uelsukur balas, kara uakekenengua tar menemene katongois, kara kula pare, “Hapengua re heir katongo peonor tamatene tar tukununa tagigeig mari ein?”

⁵³Kare kula Iesu pare, “Inggo u hire tun tamiuoum toro man, ge ahikioum pah mung ein tar tukununar Tuna God ger Tunar Tamat, karung inum tar deuatinginon, inggoum tar tukunumiu ahik me nitua kaein.

⁵⁴Bo mais ra uoto ein tar tukunuguo, kara inum tar deuatingiguo ra turung kale tar nitua gere moko dedengua, karu turung uatentur tapokiso tasisina tar uadouhinar marein.