Jon 6:43-49

⁴³Ma Yesu ivona bo, “Kamomiyai vonakunukunura kovoterei.

⁴⁴Aku Mamai ivonataweku, ma iyavo kava ini nuwatinisi na ti kava ina pisi kuriku, da mara damonai ana berai da rabobowai ina vomiiri.

⁴⁵Peroperoveta igiruma bo, ‘God tuna mani wawaya ini beyebeyesi.’ Iyavo kava Mamai iyanei ma gwabinai akova eviiviiya na ina pisi kuriku.

⁴⁶Ke sago iyai Mamai ita kitai da wawayina God gwabinai ipisi na tuna kava Mamai ikitai.

⁴⁷Vonavaghata avonavonemi, iyavo kava ini tumaghaneku na yawasa makamakii nonowina ina viiya.

⁴⁸Yawasa vavina na taku.

⁴⁹Ami kaekiki mau warere kamonai mana ikani, ma kegha da irukwamakai.