Text copied!
CopyCompare
God Ananin Balan - Jon - Jon 6

Jon 6:34-67

Help us?
Click on verse(s) to share them!
34Ali echech chaklipanu chakli, 鈥淣ebenyali, apak makli nyak nyupemu nyukapu atabukmali bret wihluwehlu.鈥
35Ali Jisas naklipech nakli, 鈥淵ek douk atudak bret douk eke chulawatu ali chupe kalbu eheh nyumneh umu. Echebuk douk chunamali yek ali chusuh yekin balan chugipechen uli, echech eke kobi wata nyulub blech o wata abal blugahegech chopuk, wak.
36Wakuli douk ayaklipepu, ipak douk apatuliwe wakuli wo pusuh yekin balan dadag pukli adulin e, wak.
37Ihech elpech douk yekinu Aninu natalihech umu chunamali yek uli eke chunameli. Echebuk douk chunamali yek uli, yek eke kobi inoguglech ikechuk agab, wak meyoh.
38Yek douk wo itukemaguk iluh heven ali iglukumali igipech yekin laik inek enenyi enen moul kobi yek ulkum molomen ulimu e, wak. Wakuli douk yanakumali igipech yekinu Aninu douk nekege yanakili ananin laik.
39Ali anan nekege yanakili naklimu ineken uli douk enyudak. Nakli kobi itukemaguk enen echudak chanatimaguk elpech douk anan natalihech umu chunamali yek uli nyunak nyuwichuk, wak. Wakuli nakli yek imas ilukwech yapis chunatimaguk ali wata ichuhul chitak chupe abudak nyultab hugikuk uli nyumnah hutoglomu.
40Aduligu, yekinu Aninu nakliyenyi douk akenyudak. Nakli chunatimaguk elpech douk chutik yek ananiwe Nuganinu ali chusuh yekin balan chugipechen uli, echech douk eke chunubu chupe kalbu eheh nyumneh. Ali douk eke wata ilukwech yapis ichuhul chitak chupe ahudak hugikuk uli nyumnah hutoglomu.鈥
41Echech Juda chemnek nyihihichich ali achape cheneyagwleh chokwin atin, umu agundak Jisas nakli anan douk atudak bret tagluki gani iluh heven ulimu.
42Namudak ali chakli, 鈥淎nudak alman anan douk Josep ananinu nuganinu chohwalanamu Jisas uli. Ananich mamechich douk madukemech. Ali malmu namudak, umu dukwechuk nakli anan douk napeli iluh heven naglukumali?鈥
43Jisas nemnek ali nebemech balan nakli, 鈥淚pak kobi nyihihichipu ali ipak yet pupe piyagwleh balan punobomu chokweh pulikuk, wak.
44Wak enen elpen deke nyunokwnumu nyunamali yek e, wak. Sapos Aninu douk nakagas yek yanakili nuhul enyebuk elpen ele, enyen wasik deke nyunamali yek ali nyusuh yekin balan nyugipechen. Ali enyebuk elpen, yek douk eke wata inyuhul nyitaki iwagu ahudak hugikuk uli nyumnah hutoglomu.
45Balan douk amam profet henyemu nyetemu God ananik buk uli douk nyakli: 鈥楪od eke nunek skulumu ihech elpech ananin pasin.鈥 Namudak ali chunatimaguk elpech douk chumnek Aninein balan ali chudukemen kalbaluli, echech eke chunamali yek.
46Wak enen elpen nyutik Aninu e, wak. Yek douk yanu God wapeli ali yaitak yanakili otuwe yatulunu.
47Aduligu atugu yaklipepu, echebuk elpech douk chusuh yekin balan chugipechen uli, echech douk eke chupe kalbu eheh nyumneh.
48Yek Jisas douk atudak bret douk elpech eke chulawatu ali tunekech chunubu chupe kalbu eheh nyumneh ulimu.
49Seiwak ipakich popech yamech douk chawak atudak bret mana gani wohigunmu, wakuli echech douk wata chagak.
50Wakuli elpech douk chuwak atudak aduligeitali bret douk tatukemaguk iluh heven taglukili, echech douk eke kobi chugak, wak.
51Yek yet douk atudak aduligeitu bret douk tagluki gani iluh heven umu eke tunek elpech chupe eheh nyumneh uli. Elpech douk chuwak atudak bret uli eke chunubu chupe kalbu eheh nyumneh. Atudak bret douk yekihw yegenyihw. Eke ikech yekihw yegenyihw umu igakamu chanatimaguk apudak atapichi elpech umu chupe kalbu eheh nyumneh.鈥
52Douk echech Juda chemnek namudak ali nyihihichich. Ali echech yet achape chalpak balan chakli, 鈥淎nudak alman nakli deke nukapu ananihw yegenyihw muhwah malmu?鈥
53Ali Jisas naklipech nakli, 鈥淎duligu atugu yaklipepu, sapos ipak kobi puwak yek Anudak Alman douk yatoglu aduligeinyi elpen uli yekihw yegenyihw o puwak yekig butog umu, ipak eke kobi pupe kalbu eheh nyumneh, wak.
54Wakuli echebuk elpech douk chuwak yekih yegenyihw hwunu yekig butog uli, echech eke chupe kalbu eheh nyumneh. Ali ahudak hugikuk uli nyumnah hukli hutoglu abali, yek douk eke wata ichuhul chitak chupe.
55Umu moneken, yekihw yegenyihw ohwohw douk hwanubu kobi aduligeichi kakwich umu. Yekig butog ogwog douk chopuk gwanubu kobi aduligeibal abal umu.
56Echebuk elpech douk chuwak yekihw yegenyihw hwunu yekig butog uli, echech douk chape yek ali yek yape echech.
57Yekinu Aninu douk nanubu bawagas umu agundak chupe kalbu eheh nyumneh ulimu douk nakagasi yek yanaki. Ali yek douk yape dodogowiwemu anan ali eke inubu ipe eheh nyumneh. Ali douk namudak ati. Yek douk dodogowiweli ali echebuk douk chuwak yekihw yegenyihw uli, yek douk eke inekech chunubu chupe kalbu eheh nyumneh.
58Yek douk atudak bret douk tagluki gani iluh heven uli. Atudak bret douk wo kobi atudak seiwak ipakich yamech chatawah wakuli echech wata chagak ulimu e, wak. Elpech douk chuwak atudak bret uli, echech eke chunubu chupe kalbu eheh nyumneh.鈥
59Jisas naklipech enyudak balan abuldak wabul Kapaneam. Naklipechen abudak nyultab nape nenek skulumech yopinyi balan gani numun echechitu chape cheyagwleh balan atali wilpat abali.
60Wolobaichi elpech douk chapemu chemnek ananin balan ali chagipechanu uli douk chemnek enyudak balan ali cheneyagwleh chakli, 鈥淓nyudak balan douk nyanubu nyenek hat umu apak mugipechen umu. Deke omuni nyupe nyumneken nyugipechen?鈥
61Jisas douk wak enech elpech chuklipanu e, wakuli anadukemech umu echech douk nyihihichich ali chape cheneyagwleh chokubul atimu enyudak balan douk naklipechen uli. Namudak ali naklipech nakli, 鈥淚pak douk pemnek enyudak balan nyenek ipakip ulkwip yowep ali nyihihichipu, waka?
62Ali douk eke malmu, sapos ipak putik yek Anudak Alman douk yatoglu aduligeinyi elpen uli iltomu iluh douk likuk yapelimu?
63Elpech meyoh deke kobi dodogowich umu chugakomu echech yet umu chupe kalbu eheh nyumneh, wak. God ananin Michin atin wasik nyanubu dodogowin atin umu nyunekech chupe kalbu eheh nyumneh. Enyudak yek yaklipepu enyi balan douk eke nyugakamu ipakich michich ali eke nyunekepu punubu pupe kalbu eheh nyumneh.
64Yaklipepu balan wakuli enepu wo punek bilipume e, wak.鈥 Jisas anan douk alikuk nohul ananin moul nape neneken umu ali nadukemech umu echebuk elpech douk eke kobi chunek bilipumanu uli, chanu anabuk alman douk eke nugilapu ananim birua anan Jisas ali huhwanu hunak honu nugak uli.
65Ali Jisas wata chopuk nakli, 鈥淒ouk namudak ali dakio yaklipepu yakli, 鈥楽apos God kobi nuken strong enen elpen umu, enyen meyoh eke kobi dodogowin umu nyunaki nyunek bilip umu yek, wak.鈥欌
66Jisas naklipech enyudak balan umu julug, ali wolobaichi elpech douk chapemu chagipechanu chemnek ananin balan uli wata chatukemanaguk chatanamu. Wata chuklimu chugipechanu e, wak.
67Jisas natik namudak ali nasolik ananim 12-poleim disaipel nakli, 鈥淎ti ipak douk chopuk pakli putukemeik punak, waka?鈥

Read Jon 6Jon 6
Compare Jon 6:34-67Jon 6:34-67