Jon 5:9-12

⁹Kori vido vamua iangeni, imanea ke toke tabiru. Me hatia na mathagna me taveti. Na dani a Jisas ke eia na reghithehe iaani, na Sabat.

¹⁰Na vunegna iangeni mara puhidia mara Jiu kena veleagna na mane ke toke tabiru, “Iaani na Sabat! Nida na komi vetula kena lutigho na hulu matha.”

¹¹Kari imanea ke haghore tughura, “Na mane ke vatoke tabiruu ke veleu, ‘O hatia na mathamu mo taveti!’”

¹²Mi marea kena huatiagna, “Ahai ke velegho eigna koda hatia na mathamu mo taveti?”