Jon 5:4-10

⁴(-)

⁵Ma kamosiyai na sago idigadiga da madegha 38 ikovi.

⁶Ma Yesu tomowina ikitai ikenakena na iakovi da tuna namadani kava igubaga na ivona tovoni bo, “Kekayokayowei da kuna yawasa, bo?”

⁷Ma digadigana ivonapotei bo, “Bada, ke sago iyai da iti viteku ku toka ita tereoruweku maranai okowa isewasewai. Aberabera tovoni da atoru na wawaya maghinoku epapapari.”

⁸Ma Yesu ivonei bo, “Kevomiiri, am kepana kekavari ma kuna baba.”

⁹Yaghiyaghinai tomowina iyawasa, ina kepana ikavari ma ibaba. Weni berana na viyakam maranai itupuwa.

¹⁰Tuna kubiine Jiu babadisi tomowina ivonei bo, “Karako na viyakam marana ma vonaviyoyovana kuvi kiigiiyei da am kepana kukavari.”