Jon 5:36-45

³⁶Na singare yendo mal Jon dje pene wori, ye pi ba, wal kerman ta yenaka ye kane, na wale wondo mal pille kune yene. Ge na Nena kogo yeno dje awi mal ge, na pille yell dal, Nena na kaima dje wori woll mal ye kane kune yene.

³⁷Na Nena dje wori woll iwa moro ge, une na kaima woll mal dje pene woro awi ba, ye une nubke pall kandja dji ge kaima napi. Ye une gume djillake nakani.

³⁸Yene kandjiye ye boll nayero pille, yene wariye dje wori wo kandja dji ge ye para napir.

³⁹Ye gun mopon dje pille Baibel kere kaninj ba, na kaima woll mal ge, Baibel al bolo wori paro.

⁴⁰Baibel na pille bolo wori paro ba, ye na moro al gun mopon dje pille nawonj.

⁴¹Na kandja embe djindo ge makimb una na kandjina amblo pla worne dje na nayendo.

⁴²Ba ye mor ge na kane kune yendo. Ye kumbene al ge, ye God wopake nakaninj.

⁴³Na Nena kandjiye al pille wondaka, ye djembon to nawinj ba, una djell ta yene kandjiye al pille woi dal, ye djembon to aune.

⁴⁴Ye unakne ye kandjine amblo pla worinj ge, ye pille pla kaima yenj ba, God taimane ge, une ye kandjine amblo pla worda dje nayenj. Ye embe yenj ge, ye pillgi namba mal djine?

⁴⁵Ye singare ke ye waninj ge, na Nena moro al dje nauno. Iwa Mosis, ye une pille we yenj iwa ge, une djindaka na Nena piya.