Jon 4:43-46

⁴³Nal uraru an itout go, Jesus Sameria adi ibisawaig imul Galili na yau.

⁴⁴Gubak mi Jesus iŋsen igo ibol ilasag ibol, “Anut san profet iŋsinan panu fun lo man yaŋan tia ya.”

⁴⁵Aria, saen iŋ Galili na ilasa dugo, tamolpein dileg duyuŋani a. Man fun dugo, iŋ dam Jerusalem na nal tubun an lo, kulob kulob a ante igane yan dile yak niŋen o, ago malan dupare ya.

⁴⁶Agog Jesus fon Kana panu na ilasa ya. Panu ante imug you ibilisag wain ilasa ya. Ante imado dugo, kiŋ san urat tamol gurman ta nanun Kaperniam na imado yan, subam ifuni saian. Iŋ Jesus Galili distrik lo imado yan iloŋ tag, imasag ririan Jesus san na yau. Iŋ yaug, iŋanen nanun imat o itor dan, Jesus ikubunep uyan ilasa wo imosiai a.