Text copied!
CopyCompare
GAE MATAIWA - Jon - Jon 4

Jon 4:30-54

Help us?
Click on verse(s) to share them!
30Meve mu gwetoimu apa dauwag me gumbe onamiya.
31Dividivi mame pawaivi kumiwa apa, aigowawa me ayag waya, 鈥淩abai, divi da nave.鈥
32Megara me mu gumbo wane, 鈥淣akwai da ye den yaug anoyanawa me ne gunap.鈥
33Meve aigowawa gae garawa ano aya, 鈥淏ira da nakwai meuma tam uwane?鈥
34Me mu gumbo wane, 鈥淣e nakwai neuma me ne baraunedne onednawa me anoiviwa atna sira me nau meumawa oieba watpukiyatna onanape.
35Ye aib vene, go onan? 鈥楧ud 4 wakeya, meve maura kumiwa uwape.鈥 Ne ye diruitna. Yangewa meram nau wan yauya! Mu wait kweraimusia maura oya.
36Maura enivi abnawa me garawa meumawa wait amatog avivi, sira inaiinai yaibobot oya natawa agoniyaivi. Kuiyawa yawa veriviwa ge maura eniviwa maun degadega atan oya.
37Meib, gae me natawa, 鈥楧a me yawa verivi sira dawa me agoniyaivi.鈥
38Ye yembo nau kokavit den ayanawa agoniyag tamtan oya ne ye te yenna aisiyana. Upeba nau kokavit aya, sira nau mumawa gumbe ye natawa agoniyag tamiyana.鈥
39Samaria igiyawa obiren gwetoimu me apa vesin taibe wanewa gaiyawa oya me gumbe anotumat aya. Kuiyawa vesin me wane, 鈥淒ividivi undag ne anawa me gunap wane.鈥
40Meoya Samaria igiyawa me gumbe uwayawa, me mu gumbo waketan oya nun waya. Me oiyat duwam wakene.
41Sira me gaiyawa gumbe iyayapan obiren upeba gaibu anotumat me gumbe aya.
42Mu vesin gumbe waya, 鈥淣u gare ge wanawa oya anotumat den atu. Kuiyawa nu numbovit anoete, sira nu yaug anotu apan mame natawa di piyu mame Waita Abnawa.鈥
43Kum duwam onananewa me kweg Gariri oya aine.
44Iesu membo taibe wane, 鈥淚yayapan mu propeta gumbo arowo den ayamat a muneme.鈥
45Meoya me Gariri apa uwanewa, Gariri igiyawa kaiwa kaiwa gumbe baigan niyaya. Kuiyawa mu mina Uwag Gaveya Buyunaeba oya amiya, sira Jerusarem danave Uwag Gaveya Buyunaeba apa anewa undag mu yauya.
46Me at Keina Gariri danave sira aine. At asime apa me yoi tobiyane wain ane. Sira at Kapenaum apa kin nau meuma aiviwa wakene, me usiwa yuwat ane.
47Apan mame Iesu Judia apa on Gariri uwane anonewa me Iesu oya aine. Me gumbe aig on usiwa warinamtan oya nun wane. Kuiyawa me usiwa bo koni atan aivi.
48Iesu me gumbe wane, 鈥淵e irayauyau ge anopipanum den yauya ipewa, ye matai anotumat den di aya.鈥
49Kin nau meuma aiviwa wane, 鈥淜okawa, aig onaga, ne utunwa bo atan aivi.鈥
50Iesu me gumbe wane, 鈥淕e aga. Utugwa inaipe.鈥 Apan me Iesu gae meuma me gumbe wanewa anotumat ane, sira kweg aine.
51Apan me ebu taibe, me nauwawa emewa yawamne. Mu dieg waya, 鈥淯tugwa inaine.鈥
52Meoya me singui wane, 鈥淜um divi ud neuma inaine?鈥 Mu me gumbe waya, 鈥淜wapiwa amun watau augoi kum koniwa 1 mina apa kwene.鈥
53Mamawa meve anone kum me desirom apa Iesu me gunap wane, 鈥淯tugwa inaipe.鈥 Meoya me membo ge biviusitainawa gaibu undag anotumat aya.
54Mame Iesu Judia kweg Gariri uwanewa irayauyau meuma duwameba ane.

Read Jon 4Jon 4
Compare Jon 4:30-54Jon 4:30-54