Jon 4:3-7

³Wal wen Jisas bin irrim detlot serramonimen bin sabi im en im wekinmen olabat bin beptaisimbat pipul, im en im wekinmen olabat bin gowei brom det kantri Judiya, en deibin gobek langa Gelali.

⁴Wal bifo Jisas en im wekinmen olabat bin kamat langa Gelali, deibin lafta go thru langa det kantri gulum Sameriya,

⁵en deya na deibin kamat langa wan taun gulum Saika. Det taun nomo bin longwei brom det pedik weya Jeikob bin baiyim longtaim blanga im san Josef,

⁶en det wel weya Jeikob bin oldei yusum bin deya du. Wal Jisas en im wekinmen olabat bin kamat deya dinataim, en imbin jidan wansaid langa det wel, dumaji imbin nokap,

⁷en im wekinmen olabat bin go langa det taun blanga baiyim daga. Wal wan gel brom det kantri bin kaman deya langa det wel blanga gajim woda, en Jisas bin askim im, “Yu gibit mi woda blanga dringgim.”