Text copied!
CopyCompare
God so Sokior-ok Iwon - Jon - Jon 4

Jon 4:26-54

Help us?
Click on verse(s) to share them!
26Wo, Jisas hiykwe sawk sa sokwe senkin kiy-me-kumay kow, 鈥淎kwa, hne kokwe mo ha Mesaia, hiy non-ohruw.鈥
27Jisas hiy hoke non-ohruw-a nonaw lwak menkin, sa hyo ki-wayh homkwe pa ma-le nene. Homkwe hye kokwe sa prueyn ke nion non-ohruw-a se amor-ira kowkyay. Sawk hmo prueyn Jisas se senkin pase kiy-mesopok e, 鈥淗unkwe pay me mon ley?鈥 Seyr hye senkin pase kiy-mesopok e, 鈥淗unkwe hoke nion panoke non-ohruw-a o?鈥
28Wo, sa sokukwe sawk hoko hu-yiawk se lyay hain nok, om mon ma-ley nok, uwrsa serey suko me senkin mekow,
29鈥淎ma, homkwe uwr ehe kwa le ira. Hiykwe hano yor, paraw ha ma mon hiyhiy mokwe, papo kiy-me-hror-say kow lowpway. Hiykwe Krais pak?鈥
30Wo, uwrsa serey suko homkwe om se lokriy hain nok, Jisas so mon ley.
31Enekwei sohokwe ki-wayh homkwe Jisas se senkin me-sopok kraiay, 鈥淗iymon-sorasor-uwr, hunkwe ayay kwahnaw la kara.鈥
32Sawk Jisas hiykwe hme kokwe senkin kiy-mekow, 鈥淎ma, hakwe ayay la ey non, ayay somokwe homkwe nonkway lwak pey.鈥
33Wo, sa hyo ki-wayh homkwe, homkiaw-ayay senkin lohruw-a, 鈥淎ma, hye kokwe uwr prueyn hiy ayay po nak-e kow pak?鈥
34Jisas hiykwe sawk hyo ki-wayh me senkin makiy-me-kow, 鈥淗ano ayay mokwe senkin, hakwe Uwr hane ma me-ha so uron ko so meyki mon ley nok, hyo mey, hano iha mon ma kow ha, seme nuw-meio sopsow lowpway.
35Homkwe senkin me wayr, 鈥楢ma, yeyn mokwe pau iha-iha-aw lwak. Sawk enekwei ayay wueir ko me nakyawk ey mokwe pa lousne ey.鈥 Sawk hakwe hme senkin mekow, homkwe enkin kokwe wueir me kwa nuw-ira soway soway popriy, wueir-laylay mokwe pa kiy-ou, seyr liy kiy-nakyawk.
36Wueir-laylay me nakyawk-uwr so mey kokwe pa nakway, sa hiykwe enkin kokwe laylay su lwayr peyow peyow ey ko mokwe seme nakyawk howsay, uwr wueir-laylay ma saro o, uwr wueir-laylay ma nakyawk-a o, hoh kar non-ney e.
37Ok kamon, hrom ma lohruw-a wayr kokwe senkin, 鈥楿wr prueyn hiy meio saro, uwr prueyn hiy nakyawk ompan ompan say.鈥 Ok sokukwe ok-arar.
38Hakwe hne po me-ha, wueir-laylay, hwon ma meio saro pa me nakyawk ompan ompan e. Wueir sohokwe uwr har hom po meio sese yay, hunkwe orian orian-aw sehe nakyawk ompan ompan e.鈥
39Samaria-uwrsa kraiar om serey suko homkwe, sa sohok ko ok ke lonuayk me. Wo, homkwe sa Jisas se sehe nanpanan kiykiy-ay, payhokuaw sa sokukwe senkin me-kow, 鈥淗iykwe hane kokwe po mesor sanion sow kow, yor piap-araw ha ma mon mokwe.鈥
40Wo, sawk Samaria hom le menkin, hom sawk Jisas se mesopok, hiy hme nion non-wak hain e. Sawk hiykwe Samaria me nion kokwe eypok leikrueys non non-wayr hain.
41Jisas so ok me hokuaw kokwe, uwrsa hye ma nan kiykiy-ay sohom mo meir mokwe sawk ayaw mon manuwnak-nonay nonay ie.
42Homkwe sawk sa sokwe senkin mekow, 鈥淗rom uwr ehe ma nanpanan kiykiy-ay ohokwe, hromkwe hno ok ke-aw lonuayk me nanpanan kiykiy-ay pey, korey law. Sawk hromkwe hromkiaw hyo ok arian me po lonuayk, seyr hromkwe senkin kiy-nonkway, uwr, uwrsa lowpwarowp ki ko me ma huonokyaw prosue ey hokwe, mo hiykwaw-aw.鈥
43Eypok kreys so meyki mon hokwe, Jisas hiykwe kipay Samaria se lokriy hain nok, Galili mon mahiy-ey.
44Payhokuaw, enekwei sohokwe Jisas hiykiaw kokwe mo senkin me, 鈥淧rofet mo uru mokwe, uwrsa, hmo yier arian ko homkwe seyn nak-ie pey.鈥
45Hiy kipay Galili mon lousne menkin, Galili-uwrsa homkwe hye kokwe kar ley huon. Payhokuaw, homkwe papo lira, mey poya-poya hiy Pasova-ay la enekwei Jerusalem mon ma lousne non ma meio mokwe. Enekwei sohokwe homkwe seyr siraw non-wak.
46Enekwei kamon hokwe hiykwe seyr om Kana mon ma-ley. Om sohokwe Galili mo om kamon hiy non, hiy hu-ar se wain-hu ma mon-hre hiy non. Enekwei sohokwe seyr King so ofisa prueyn so ney hiykwe peik nak-iawon, yier Kaperneam mon.
47Wo, uwr sohokwe sawk senkin lonuayk, Jisas hiykwe Judia hokwe papo lokriy hain, sawk Galili mon po lousne. Hiykwe sa Jisas so owh mon ley nok, Jisas se lonseyn mesopok, yier Kaperneam mon lokumey e, hyo ney so peik ke mon sasowriy sow kow e. Payhokuaw, hyo ney hokwe pau lokrue ohriar.
48Sawk Jisas hiykwe hye kokwe senkin mekow, 鈥淗omkwe meir krai non suwon senkin senkin me lira lopa mokwe, homkwe liy nanpanan kiykiy-ay ley.鈥
49King so ofisa hiykwe sawk senkin makiy-me, 鈥淗akamay, hunkwe kwahnaw saw-okumey e. Hano ney se saw-okrue lak.鈥
50Wo, Jisas hiykwe sawk ofisa sehe senkin mekow, 鈥淗unkwe kwa ley e, hno ney hiykwe su lwayr ey.鈥 Sawk ofisa sohokwe Jisas so ok ke nan kiykiy-ay. Hiy sa sehe ma-ley.
51Wo, ofisa sohokwe peyr Kaperneam mon lousne pa, sawk hyo mey-uwr homkwe hye kokwe yerki ompok mon lonyay huon nok, hye kiy-mekow, 鈥淎ra, hno ney hokwe su lwayr.鈥
52Sawk ofisa sohokwe hyo mey-uwr me senkin makiy-mesopok, 鈥淗ai, hiy yaprue ma lwak hokwe, aua enekwei pohiy sok lwak so?鈥 Hom sawk senkin makiy-mekow, 鈥淧eik kokwe onkioh 1 klok eyrowp sok lonkane hain.鈥
53Wo, hyo orih hiykwe sawk senkin lanio nanpanan nok, 鈥淎ua enekwei sohokwe Jisas hiykwe hane mo senkin mekow, 鈥楬no ney hiykwe su lwayr ey.鈥欌 Sa hiykiaw o, hyo ney-sa o, homkwe Jisas se seme nan kiykiy-ay.
54Meir suwon sokukwe kreys hok non, enekwei Jisas hiy Judia ko se Galili mon ma ley se ma meio hiy non.

Read Jon 4Jon 4
Compare Jon 4:26-54Jon 4:26-54