Jon 4:2-11

²Handru ta aliy badeh, Jises banyu iri lau bwe, oro lau tan le badeh, anyu iri lau.

³Jises anuhun iri asehek iy, eme iy udu Judiya edek iu ili hamon ili loboho Galili.

⁴Jises anya kili Galili, arile budon tan boto-on badeh, anya kili kon Samariya bwena op.

⁵Iy eme ili kon ari udu bolo Samariya iri aloh Sikar, idoh udu mirihik ta nadu munyak sese mene Jekop atehei ili ta nadun Josep.

⁶Gwa ta Jekop a-eh udu loboho doh ale. San lawe-en labai eme ma bwidi Jises awoyah ta edek. Iy eme manyah udu mirihik ta gwa nane doh. Mada an badeh, udu le alih.

⁷Udu, badih ari badu Samariya eme anya ka-us gwa tan. Jises eme asehek sahou i tan i buku doh, “Wa-ik se gwa.”

⁸Iy le ari udu. Oro lau tan badeh, ndra-au ndrala bolo kon tinan ndrasih noro nyamon.

⁹Eme iy badih badu Samariya asehek sahou i tan i buku doh: “Ou badu Juwis, jo badih badu Samariya. Buku sah handru ou ndremenya jo ta gwa?” (Iri Juwis badeh winiyan bala hawe iri Samariya bwe.)

¹⁰Jises eme asumon sahou tan ja i buku doh, “Buku ou tanam boto-on ta Kindrei, ma are lau nane ndremenya ou ta gwa, ou winiyan ndremenya iy, iy winiyan edeu wa-im gwa kohan handru udu aliy.”

¹¹Butuhu Samariya dah anya, “Ndramak tinan, ou akohok wa-im gwa kohan udu aliy badeh, badu heh handru? Gwa kede-eh munun lawe-en labai, ma ou tam ari kawau ta a-us wa-im gwa kede-eh bo-oh.