Jon 3:6-8

⁶Gölmegö iwinam eŋgöreŋök morö ahuzawi, mi gölme moröya. Uŋa Töröŋan inahöba nam köliga morö asuhumakzawi, mi mönö Suepkö moröya.

⁷“Mewögöra iŋini ahuahu dölökŋi Anutugöreŋök qahö ahume, miaŋön mönö qahö dop kölja. Keu mi jibiga miaŋgöra mönö kude auruman.

⁸Luhutnöŋ nanŋi imbi-imbi laŋ giliga ötöŋi mörakzanmö, mi denikeyök kaba gilakza aka denike gila anakzawi, gi miaŋgö könaŋi qahö möt asarizan. Uŋa Töröŋan ambazip nam köl eŋgiiga ahuahu dölökŋe ahugeri, körek yeŋgö könaŋinan mönö luhut miaŋgö dop akza.”