Jon 3:4-8

⁴Nikodimas ka diik u aragii, “Male kaltu ka laumet tah, ke arafah in pang fis sabin arae? Biil i fasih in kau fis na bala tina, isi ik pang fis sabin.”

⁵Ke Iesu ka kiliis u aragii, “Tekentu kanaka, ia fas o, biil i fasih tikas in kau na matanfuntih ke God, male biil i pang fis sabin ini dan ke ini Tanwa Kalkaluu.

⁶Seh i pang na pununfo i liu ini pununfo sau, ma seh i pang na Tanwa Kalkaluu, i liu ini tanwa.

⁷Gong o bitit na sanih ia use u le on pang fis sabin.

⁸Kif i kufkufe una falifuh i ier le in filau lo, o ongen u sau, isau le biil i fasih on usum le i la tingah ma in la uwah. I fasih sabin arae fanu tikii ae ri pang ini Tanwa Kalkaluu.”