Jon 2:19-23

¹⁹Iesu ka kiliis ri aragii, “Gamen rambat ufu Felun Sising igii, ma iak fapti fafis u sabin na in tuul e biing.”

²⁰Ke ri ka diik u le, “Ifasi on fapti fafis Felun Sising igii na ituul e biing? Ri tel ta u e Felun Sising igii na ifet e sangful ini won e bet.”

²¹Isau le felun sising ae i use u, i orek fatoftof tom ini pununfo.

²²Namih na apaptih fis kia tina minet, berberat na fafausum kia, ri ka wol pes sanih ae i use ta u. Ke ri ka unune na orek ae na Buk na Gogoh, ma na orek sabin ae Iesu i use ta u.

²³Aunbiing Iesu tinawii biitom na Ierusalem na tel inen na Liuliu Kulef, fanu fuun ae ri par ta foron fakileng Iesu i fatapiek u, ke ri ka unune na asa.