Jon 21:14-17

¹⁴Iri a mantul na dino ra o Iesu i wanpat torom anun a kum nat na ususer, numur tan anun a katkatutur melet gusun a minat.

¹⁵Ra det sa wangon rop, o Iesu i watungi tan o Saimon Pita lena, “Saimon, nutun o Jon, pepetlai, u nem doko iau taun det ri?” I balu i lena, “Lingmulus, Labino, u tasmani lena a nem ui.” O Iesu i watungi tano lena, “Un tabor anung a kum nat na sipsip.”

¹⁶O Iesu i manru u iting toromi lena, “Saimon, nutun o Jon, pepetlai, u nem doko iau?” I balu i lena, “Lingmulus, Labino, u tasmani lena a nem ui.” Ra o Iesu i watungi tano lena, “Un tamtamabat anung a kum sipsip.”

¹⁷Ra o Iesu i mantul u watungi tano lena, “Saimon, nutun o Jon, pepetlai, u nem iau?” O Pita i tupunuk, uni o Iesu i tingi a tulu dino lena, “U nem iau?” I watungi tano lena, “Labino, u tasman a kum utna rop. U tasmani lena a nem ui.” Ma o Iesu i watungi tano lena, “Un tabor anung a kum sipsip.