Jon 20:7-13

⁷Ago dugo yamel milaen ate kabuŋan dutuani an dam kitek asau mi yen dugo ile ya. Yamel an dulumi ak sen kisaek yen dugo, linen kilaken man kitek asau mi yen dugo ile ya.

⁸Agog megeloum a imug yaug ilasa yan, iŋ dam pat gubaran ilon lo iladug, abaŋ nek ago mi ileg, ilon lo rumok a.

⁹Nal an lo man iŋsinan megeloum Jesus mateŋ lo imasa san ru Anut san buk lo yen an gamugo duloŋ a.

¹⁰Agog megeloum uraru an dumul go aben dumado dan ante diau a.

¹¹Maria fon imul go mutou awan te itatad itur gug, itakoksig gib lo iyep go,

¹²eŋel uraru kulos milkouk geig ak amad da sisanun yen ak aben na dumado dugo yil. Neinta ŋien na imado dugo, neinta gumuran na imado dugo ile.

¹³Uraru en Maria durupei, “Nei, oŋ ata wo tata di?” Iŋ irupidaig ibol, “Ŋaisag Tubun en digam go dugon te digane yak man ŋai ta ŋaloŋ na ya.”