25Jisös maripomnöŋ qeget kiniga ambi kewöŋan könaŋe kinget: Jisösgö nam nasöŋi aka Klopas anömŋi qetŋi Maria aka Magdalagö ambi qetŋi Maria.
26Jisösnöŋ namŋi aka wölböt gwarekŋi kösutŋe kinohotka etkeka namŋaŋgöra kewö jiyök, “Namni, mönö nahöngi ki eka tönjoŋgöba malman.”
27Mewö jiba gwarek mi kewö jii mörök, “Mönö namgi ki eka tönjoŋgöba malman.” Mewö jii möta Jisösgö namŋi nalö miaŋgöreŋök waŋgiriga miriŋe anda mohotŋe malohot. Mewö.