Text copied!
CopyCompare
Naul On Nga Mimerr Uripiv - Jon - Jon 19

Jon 19:12-35

Help us?
Click on verse(s) to share them!
12Ko daron nga Paelat murnge nale ngel, ko epejpej sel kele san nga puloli Iesu pivel sisarow rengen. Ko mフテri Isrel nir arkail van jin: 窶弃oro kuploli ni pivel sisarow, ngok eviseni nga nik sete kuvi sele Sisa. Si nga mフナlngi ni lweni mivi numal, ni evi devje nuval se Sisa ko vajin!窶
13Ko daron nga Paelat murnge nale ngel e nir, ko olwi van loloim e, ko etkai tweni Iesu eivare, ko ean re lat san nga martuwe mivi nawot (nga nale se mフテri Isrel nir marwera nisen Gapata e), ko esakel renge nai seksakel nga mok-sakel ren daron nga mok-wera suri lat nga puto suri tevi jinibb nir.
14Evi levial vajin renge nabong nga pareseser tera nanen ne asien e, mete nial esngavテカl drromon eru; ko Paelat owrai tevi mフテri Isrel nir owra 窶廸i le, Numal se kami!窶
15Ko nir arkail van mare arwera 窶廳uppitei tweni, kuppitei tweni, kuprevji pini renge nai pelaot!窶 Paelat owrai tevi nir, 窶廢rpe, kami kammerreni inu berevji pini numal se kami renge nai pelaot?窶 Ko batu jinibb ne sulsulen nir arwera 窶廸umal se kem ejki ko ngok, Sisa ko ma!窶
16Ko Paelat elinglingi Iesu tevi nir vajin, parevji ko parruloni renge nai pelaot.
17Ko arpitei tweni Iesu evel, owosi nai pelaot sen van renge botwen san nga marveruse nisen miwaji bongur (renge nale se mフテri Isrel nir arveruse Kolkota).
18Nir arruloni ni iok renge nai pelaot; ko nuru eru kele orpitevi, san renge devjen rres ko san renge devjen mair, ko Iesu renge liven.
19Paelat oli nale sopor, ko elngi renge nai pelaot se Iesu. Areve erpel, 窶露esu ne donasret Numal se mフテri Isrel nir.窶
20Ko mフテri Isrel elep areve nale nen, suri lat nga marruloni Iesu ren oto mori Jerusalem bbong. Aruli nale ngok renge nale se mフテri Isrel nir, ko nale se mフテri Rom nir, ko nale se mフテri Gris nir.
21Ko batu jinibb ne sulsulen se mフテri Isrel nir arwerai tevi Paelat, 窶彜ete kupuli 窶朗umal se mフテri Isrel nir窶 pijki, ko kupuli pirpel: 窶弄フテrel owra Inu Numal se mフテri Isrel nir窶.窶
22Ko Paelat owra lweni tevir, 窶彜ev nga moli pa puto ko pa pirpe nga moli.窶
23Vitunen renge jinibb nuval marruloni jile Iesu renge nai pelaot, ko arla joron nir ko artutweni sisamise nir. Arlingi meling ivij e, evsese jinibb nuval nen nir ivij. Ko arla kele sunsun nga mok-uri ore womu niben e, ko arlesi nga marloli mivi pa sansane ko.
24Ko jinibb nuval arwerwera lululweni tevi nir, 窶彜ete rraprrerrsi te, pijki. Kerr putuw daes suri.窶 Ngel puloli nale nga Naul On muwrai piplari, 窶婁o nir arlai tweni jorok ko artututwenir e, ko artuw daes nga parlesi si pフナlai sunsun suk窶. Ngok jinibb nuval nir arloli surie erpok.
25Ko mori bbonge nai pelaot sopon, Iesu tasu sen ko tasu sen tuwan, ko Merri nga nesen se Klopas, ko Merri nesen Maktala, artur.
26Ko Iesu emteni tasu sen ko jinibb sen nga ni mimrreni temijpale mortur, ko owrai tevi tasu sen, 窶廸gok evi natum.窶
27Mian ko owrai kele tevi jinibb sen nga ni mimrreni temijpale, 窶廸gok evi tasu som.窶 Ko etipatun re daron nen, ko mフテrnen emetmete erres renge naim sen.
28Iesu orongwose nga lelingen ngel nanu jijle arsuw jerjer pa, ko owra (nga puloli Naul On piplari) 窶廸olok emesmes.窶
29Besin san oto iok, owun saute norro nga mimilali. Ko ngok arla nalum san ko arrurrngoni rengen, ko arlingi renge mavir san, ko arsareni van renge nevlu jingon nuru.
30Ko Iesu orromji lesi norro nen beblen, ko owra 窶廾suw jerjer vajin.窶 Ko etmarru vitan ko emij.
31Mフテrwomu se mフテri Isrel nir arngoni tevi Paelat nga pimarong parbburi bフテla jinibb nen nir, puloli parmij e, ko parjuri twenir renge nai pelaot nir. Arwera parloli pirpel suri evi Praete, ko sete armerreni niber parrul jipari nabong ne Sapat. Sapat nen evi Sapat nga muon milep, suri evi Sapat ne nanen ne asien.
32Niko jinibb nuval nen nir arini ko arbburi luwe mフテr nga murrul tevi Iesu tuwen bフテlan, musuw ko aran kele arbburi kele nuru tuwen kele bフテlan.
33Ko daron nga marini ji Iesu vajin, ko arlesi nga emij pa osuw, ko nir setemun arbburi ni bフテlan.
34Ngok nir san renge jinibb nuval ela sir sen ko ouni renge neli Iesu. Ko drra ko nuwi orseser pelari orvesane.
35San le ngel elesi nga mirpok, ko owrai erpok ko. Orongwose nga ni ok-wera weretunen, ko owra 窶牢ev nga nomok-werair ewretun. Kami kele kaposuri.窶

Read Jon 19Jon 19
Compare Jon 19:12-35Jon 19:12-35