JON 19:12-17

¹²Iniwan wamu waaknga natake ita kepie tawake sandetewan kuwikge asiknga tasikut. Siwan ngana Judia aminda anzing yanggamataking, “Gata aminu waapa asandetewi kuwanu gata Sisatane notna dua, gan! Aminda inae buyambam tapa ngang yakengu ita Sisatane iwana dakngawik,” ngang yaking.

¹³Yawa natake ita Jesu kepman gatuna takepbut. Takepuke buka supda temake tasiking komu umana Hibru wam tangan Gabata ngang inikaingu waomune wam usanzikgak gakane siandakane pukwikut.

¹⁴Tapduk wa gwenu Pasova tapduk takwan gwendane sanga tandakngaking. Sike kepmaomu atdapakawan Pailatda Jesu takepuke pukwikut. Judia aminu anzing yanikut, “Gindane buyambam tapasa kanong,” ngang yaniwan ngana

¹⁵yake anzing yanggamataking, “Atanguyo! Atanguyo! Amin saamdakane tanguyo,” ngang yaking. Yawawa yake anzing yanikut, “Gindane buyambam tapasa ngana ginu nata amin saamdakane tanguwitde nataaing?” Ngang yaniwan Anutue yot takwan gwene pasikaing aminde takeakwakga anzing yaking, “Ninu buyambaminu tapatu wena! Sisa awia waapakan,” ngang yawa

¹⁶Pailatda Jesu amin saamdakane tangutningge yawan kekekakut.

¹⁷Unzingge amak aminda Jesu tapa ita inane amin saamdaka gwaamukut. Gwaamutakuke yot gapma teke keu komdu umana gwapak gwikgwit ngang inikaing komune kukut. Sike Hibru wam tanganu Golgota ngang inikaing.