Jon 15:18-22

¹⁸“Male fanu na piklinbat ri ememse gam, ke gamen wol pesu le ri ememse famu ta iau.

¹⁹Male gam tina piklinbat, ke rin ier kanaka isi gam arae kiri tutus tom. Isau le gam biil tina piklinbat, wara le ia ka tim pes ta gam tina piklinbat. Pesu, fanu tina piklinbat ri ka ememse gam.

²⁰Gamen wol pes foron orek ia fas ta gam ini, ‘Biil ti fafauun i laumet lon laulaumet kia.’ Male ri falaulau ta iau, ke rin falaulau gam sabin. Male ri misuut tah na fafausum kiak, ke rin misuut sabin na fafausum kimi.

²¹Isau le rin ememse gam, wara na asang. Wara le biil ri usum lo seh i wuun ta iau.

²²Male biil ia la tah uga ma ia ka fas ta ri, ke biil rin sir kunan sinang laulau kiri. Isau le igii, ia ka fas ta ri, pesu biil ti sal kiri una fun sinang laulau kiri.