John 9:33-40

³³Mwet se inge fin tia ma sin God me, el koflana oru kutena ma.”

³⁴Ac elos topuk, “Kom isusla in ma koluk ac matula in ma koluk, a kom srike in luti kut?” Na elos sisella liki iwen lolngok uh.

³⁵Ke Jesus el lohngak ma sikyak inge, el konauk mwet sac ac siyuk sel, “Ya kom lulalfongi ke Wen nutin Mwet?”

³⁶Mwet sac topuk, “Leum, fahk nu sik su el uh, tuh ngan ku in lulalfongel!”

³⁷Jesus el fahk nu sel, “Kom liyal tari, ac el pa kaskas nu sum inge.”

³⁸Mwet sac fahk, “Leum, nga lulalfongi,” ac el pasrla ye mutal ac alu nu sel.

³⁹Jesus el fahk, “Nga tuku nu faclu in nununku, tuh mwet kun fah ku in liye, ac elos su liye fah ekla kun.”

⁴⁰Kutu mwet Pharisee su welul elos lohng ma el fahk inge, na elos siyuk sel, “Ya kut kun pac?”