John 9:30-33

³⁰Ra ikwer-rnem-warl angkek arrpemarl, “Kel! Ranap anngetherr ayenh mwerrilekarl, aleyant atha annga rlkemel areyel-anem. Arrantherrap apmer ikwerenh renh iterl-arey-angenh, ran irrwerl-areny.

³¹Anwantherr iterl-areyel artwa apmwel Ingkart renh ayernenty, ra ikwer nthakenh awelhey-angenh. Ingkart-kenh-angkwarrarl aneyel-rnemekant awelhem.

³²Awank-they alakenh ayntenh, artwa ahern-arenyel aparrng renh mwerriley-angenh.

³³Artwa yanhelan ayenh mwerrilekan, ran Ingkart-kenharl. Ahern-areny arrangkwarl. Innga, ran Ingkart-kenharl.”