John 9:29-34

²⁹We witen, that God spak to Moises; but we knowen not this, of whennus he is.

³⁰Thilke man answeride, and seide to hem, For in this is a wondurful thing, that ye witen not, of whennus he is, and he hath openyd myn iyen.

³¹And we witen, that God herith not synful men, but if ony `man is worschypere of God, and doith his wille, he herith hym.

³²Fro the world it is not herd, that ony man openyde the iyen of a blynd borun man; but this were of God,

³³he myyt not do ony thing.

³⁴Thei answeriden, and seiden to hym, Thou art al borun in synnes, and techist thou vs? And thei putten hym out.