John 7:6-15

⁶Kamini Iesu yaku niyo, “Nai meda rama bi okina kode, idu yi meda bi toga mini.

⁷Kono tora noibanu vene bi ya gubuyo de regedi, idu na rofu bi gubuyo rededi, adina na yaku ini beika rededi vegu niokuda bi no dada.

⁸Irakuna sanari bofa. Na bi mina irakuna sanari de bogida, adina nai meda rama bi okina kode dada.”

⁹Makai nisi Galilee ri ameyo.

¹⁰Idu gabi ini dubuiyakasa irakuna sanari bogamadiri, erau de niyo, idu kiki dudu maka boyo.

¹¹Irakuna sanari Jew vene yaku maina regasa nikaiteyadi, “Ina bi goini?”

¹²Ma amiye di fogori ina dada mumugu nigamadi. Bedakai yaku nigamadi, “Ina bi amiye buni,” idu bedakai yaku nikabai regamadi, “Ide, ina bi amiye ourefeidei no redo.”

¹³Jew vene rofu ori reyadi, ye amiye yokoi yaku ina dada ago de niokugamo.

¹⁴Iesu yaku irakuna utari Sei nivakena yava ideri bosi amiye oteimagi kora reyo.

¹⁵Mina resi Jew vene tururu resi niyadi, “Mina amiye bi sikuru de reyo, idu gokai resi makai diba moiyo?”